Ndrom Samƀŭt bơh Ôsê 4:6 - Nau Brah Ndu Ngơi 2023

⁶ Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 4:6 Iomraidhean Croise

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

Ndrom Samƀŭt bơh Yôp 36:12

Ƀiălah tơlah mâu tông ôh, khân păng mra nkhĭt ma đao, Jêh ri khĭt yor mâu geh nau gĭt rbăng.

Nau Mprơ Ơm 119:139

Nuih n'hâm duh nđơr ƀư hŭch gâp, Yorlah phung tŭn jot gâp hŏ chuêl jêh nau May ngơi.

Nau Mprơ Ơm 119:153

Dăn May mêt uănh ma nau rêh ni gâp jêh ri rklaih gâp, Yorlah gâp mâu chuêl ôh nau vay May.

Nau Mprơ Ơm 119:61

Rse dăk phung ƀai ndơm jêh gay ƀư mhĭk ma gâp, Ƀiălah gâp mâu chuêl nau vay May ôh.

Nau Mprơ Ơm 18:27

Kôranh Brah tâm rklaih phung dêh rhêt Ƀiălah n'glưh phung geh măt n'hao êng nơm.

Nau Hôr 10:21

Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 19:2

Nuih n'hâm pưt nau gĭt rbăng mâu lĕ dơi jêng du ntil nau ueh, Mbu nơm hăn ndal mra geh nau chêh prah.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 29:12

Mâu lah tơlah bu ăn ndrom samƀŭt nây ăn du huê bunuyh mâu gĭt rŏ samƀŭt ôh jêh ri lah: “Rŏ hom rŏ ndrom samƀŭt aơ,” pôri păng mra plơ̆ lah: “Gâp mâu gĭt rŏ samƀŭt ôh.”

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Êsêkiêl 44:23

Khân păng mra nti ma phung ƀon lan Gâp gĭt rnglah moh ntil ndơ jêng kloh ueh đah moh ntil ndơ neh ntu, ntĭm ăn ma phung ƀon lan Gâp gĭt rnglah ntil nau kloh đah nau ƀơ̆ ƀơch.

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Ndrom Samƀŭt bơh Ôsê 4:1

Hơi phung ƀon lan Israel, iăt hom nau Brah Yêhôva Yorlah Brah Yêhôva phat dôih phung ƀon lan gŭ tâm n'gor aơ: “Tâm n'gor aơ, mâu geh nau răp jăp, mâu geh nau ueh Ăt mâu geh nau gĭt Brah Ndu.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Ndrom Samƀŭt bơh Ôsê 4:14

Gâp mâu mra tâm rmal kon bu ur khân may yor tih ka n'hong, Mâu lĕ tâm rmal ƀăn khân may yor tih văng tĭr; Yorlah phung bu klâu khân may nơm hăn gŭ ndrel ma phung ka n'hong, Nhhơr mpa ƀư brah ndrel ma bu ur ka n'hong; Du phung ndŭl mpôl bunuyh mâu gĭt rbăng mra geh rai yot.

Ndrom Samƀŭt bơh Ôsê 5:4

Nau kan khân păng ƀư king lơi khân păng Plơ̆ sĭt ma Brah Ndu khân păng. Yorlah nuih n'hâm ka n'hong lăp chiă uănh khân păng Yor ri khân păng mâu gĭt năl ôh Brah Yêhôva.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 7:9

Phung bu năch hŏ rvăn jêh lĕ n'hâm suan păng Ƀiălah păng mâu gĭt ôh! Sŏk klơ bôk hŏ hon nglang jêh, Ƀiălah păng mâu gĭt!

Ndrom Samƀŭt bơh Ôsê 8:1

Ăn hom nŭng ta trôm mbung may gay uh! Phung rlăng nâm bu du mlâm klang jŭr pah ngih Brah Yêhôva; Yorlah khân păng hŏ tâm rdâng đah nau tâm rnglăp Gâp, Ƀư tih đah nau vay Gâp.

Ndrom Samƀŭt bơh Ôsê 8:12

Gâp nchih jêh ma păng âk rbăn ntil tâm nau Gâp ntrŭnh, Ƀiălah păng uănh ma nau ntrŭnh nâm bu mâu geh khlay.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Ndrom Samƀŭt bơh Ôsê 9:17

Brah Ndu gâp mra chalơi khân păng Yorlah khân păng mâu iăt nau Păng Jêh ri khân păng mra hăn nsong mblêng ta nklang lĕ bri dak.

Mathay 1:6

Y-Yêsê jêng mbơ̆ hađăch Đavit. Hađăch Đavit đah ur Y-Uri, geh Y-Salômôn.

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.