Ndrom Samƀŭt bơh Ôsê 4:14 - Nau Brah Ndu Ngơi 2023

¹⁴ Gâp mâu mra tâm rmal kon bu ur khân may yor tih ka n'hong, Mâu lĕ tâm rmal ƀăn khân may yor tih văng tĭr; Yorlah phung bu klâu khân may nơm hăn gŭ ndrel ma phung ka n'hong, Nhhơr mpa ƀư brah ndrel ma bu ur ka n'hong; Du phung ndŭl mpôl bunuyh mâu gĭt rbăng mra geh rai yot.

Ndrom Samƀŭt bơh Ôsê 4:14 Iomraidhean Croise

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

II Phung Hađăch 23:7

Păng ƀư rlâm lơi ngih phung bu klâu văng tĭr tâm ngih Brah Yêhôva, ta ntŭk nây phung bu ur tanh vâl bok ma rup Asêra.

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Ndrom Samƀŭt bơh Ôsê 4:1

Hơi phung ƀon lan Israel, iăt hom nau Brah Yêhôva Yorlah Brah Yêhôva phat dôih phung ƀon lan gŭ tâm n'gor aơ: “Tâm n'gor aơ, mâu geh nau răp jăp, mâu geh nau ueh Ăt mâu geh nau gĭt Brah Ndu.

Ndrom Samƀŭt bơh Ôsê 4:17

Êphraim tâm rnglăp đah rup brah, Lơi kđôi păng!

Ndrom Samƀŭt bơh Ôsê 5:4

Nau kan khân păng ƀư king lơi khân păng Plơ̆ sĭt ma Brah Ndu khân păng. Yorlah nuih n'hâm ka n'hong lăp chiă uănh khân păng Yor ri khân păng mâu gĭt năl ôh Brah Yêhôva.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Nau Kơp Bunuyh 25:3

Pôri phung ƀon lan Israel nkuăk mâng mbăk pah kan brah Baal-Pêôr, ƀư ăn Brah Yêhôva hao ji nuih ma phung Israel.

Yôhan 8:43

Mâm ƀư khân may mâu gĭt rbăng nau Gâp lah? Yorlah khân may mâu iăt nau Gâp ngơi.

Samƀŭt Pôl Njuăl Ăn Ma Phung Nsing Ta Ƀon Rôm 3:11

Mâu geh du huê gĭt rbăng ôh, Mâu geh du huê joi Brah Ndu ôh.

I Kôrintô 6:16

Khân may mâu gĭt hĕ, mbu nơm tâm rnglăp đah bu ur văng tĭr mra plơ̆ jêng du nglay săk jêh đah păng? Yorlah geh nau nchih: “Bar hê khân păng mra plơ̆ jêng du nglay săk”.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

Nau Vay Nkah Tay 23:17

Lơi ăn ôh du huê kon bu ur mâu lah kon bu klâu Israel dơi ƀư nau văng tĭr tâm ntŭk rhŏ brah.

ហេឞ្រើ 12:8

Ƀiălah tơlah khân may mâu ŭch nau nduyh nkra nâm bu lĕ rngôch phung kon hŏ dơn jêh, khân may jêng kon văng tĭr, mâu di kon tơm ngăn ôh.