Ndrom Samƀŭt bơh Ôsê 4:11 - Nau Brah Ndu Ngơi 2023

¹¹ Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Ndrom Samƀŭt bơh Ôsê 4:11 Iomraidhean Croise

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 31:4

Hơi Y-Lêmuêl, mâu ueh ôh ăn ma phung hađăch, Mâu ueh ôh ăn hađăch nhêt ndrănh, Mâu lah phung kôranh ôp: “Mbah ntŭk ndrănh?”

Nau Hôr 6:32

Ƀiălah bunuyh tâm lâm jêng nơm roh nau mĭn; Mbu nơm ƀư pônây, ƀư rai êng huêng păng nơm.

Nơm Nti 7:7

Nau tŭn jot ƀư bunuyh blau jêng rluk, Ndơ bu blŏl ƀư djơh nuih n'hâm bunuyh.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Ndrom Samƀŭt bơh Ôsê 5:4

Nau kan khân păng ƀư king lơi khân păng Plơ̆ sĭt ma Brah Ndu khân păng. Yorlah nuih n'hâm ka n'hong lăp chiă uănh khân păng Yor ri khân păng mâu gĭt năl ôh Brah Yêhôva.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.