Ndrom Samƀŭt bơh Ôsê 4:10 - Nau Brah Ndu Ngơi 2023

¹⁰ Khân păng mra sông sa ƀiălah mâu hơm ôh, Khân păng ƀư nau văng tĭr ƀiălah mâu bĭk rơ̆ lĕ; Yorlah khân păng lĕ chalơi jêh Brah Yêhôva, Hăn tĭng phung brah êng.

Ndrom Samƀŭt bơh Ôsê 4:10 Iomraidhean Croise

II Nau Rêh Jêng 24:17

Lah Y-Jêhôida hŏ khĭt jêh, phung kôranh Yuđa văch tâm mâp đah hađăch. Bơh nĕ, hađăch iăt tĭng nau khân păng,

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Hôr 13:25

Bunuyh sŏng srăng dơi geh ndơ sông sa tŏng ma păng, Bi ndŭl phung ƀai mra geh nau ji ngot ngăn.

Yêrêmi 34:15

Aƀaơ aơ, khân may hŏ plơ̆ tay jêh ri ƀư nau di tâm dâng măt Gâp, lah mbơh nau kon me ăn ma nơm chiau meng păng. Khân may hŏ ƀư nau tâm rnglăp tanăp măt Gâp, tâm ngih dơi ntơ ma amoh Gâp.

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Ndrom Samƀŭt bơh Ôsê 4:14

Gâp mâu mra tâm rmal kon bu ur khân may yor tih ka n'hong, Mâu lĕ tâm rmal ƀăn khân may yor tih văng tĭr; Yorlah phung bu klâu khân may nơm hăn gŭ ndrel ma phung ka n'hong, Nhhơr mpa ƀư brah ndrel ma bu ur ka n'hong; Du phung ndŭl mpôl bunuyh mâu gĭt rbăng mra geh rai yot.

Ndrom Samƀŭt bơh Ôsê 7:4

Lĕ rngôch khân păng jêng phung văng tĭr da dê, Nâm bu năk ŭnh gŭch nđông ƀănh ŭnh sa, Phung gŭch nđông ƀănh rlu ntrôt ŭnh Ntơm bơh piăch rnih kŏ tât nôk rnih ră ndrui.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Mika 6:14

May mra sông sa ƀiălah mâu dơi hơm, Khŭng may hôm e nsoih; May mra bun ndơ ƀiălah mâu geh ôh prăp; Jêh ri moh ndơ may geh prăp pôri Gâp mra jao ma đao.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’