Ndrom Samƀŭt bơh Ôsê 3:4 - Nau Brah Ndu Ngơi 2023

⁴ Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Ndrom Samƀŭt bơh Ôsê 3:4 Iomraidhean Croise

Nau Ntơm 31:19

Tâm nôk Y-Laban hăn nkăp rsau biăp, H'Rachel ntŭng lĕ rup brah tâm ngih mbơ̆ păng.

Nau Ntơm 31:34

H'Rachel sŏk jêh lĕ rup brah jêh ri pôn ndơ nây tâm dâng ưn seh samô jêh ri păng nơm săp gŭ ta klơ lĕ rup brah nây. Y-Laban sek uănh lĕ rmlak nây ƀiălah mâu saơ ôh lĕ rup brah nây.

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

II Samuel 6:14

Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

II Phung Hađăch 23:24

Rlau ma nây, Y-Jôsia mprơh du lĕ rngôch phung gru rƀên jêh ri phung n'hŭm, lĕ rup brah jê̆ tâm ngih jêh ri lĕ rup brah êng, nđâp lĕ rngôch ndơ dŭt ƀơ̆ ƀơch bu saơ tâm n'gor Yuđa jêh ri tâm ƀon Yêrusalem. Hađăch ƀư lĕ nau nây gay ƀư tĭng kơt lĕ nau ngơi tâm nau vay hŏ nchih jêh tâm ndrom samƀŭt, kôranh ƀư brah Y-Hilkia joi saơ tâm ngih Brah Yêhôva.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Nau Ngluh Êjipt 28:4

Aơ jêng bok ao ăn khân păng mra jĭm: Blah bok văn ntang ntơh, Êphôt, ao jong, ao ta nâm geh cheh, môk jêh ri rse vân bŭt. Pôri, khân păng mra jĭm bok ao kloh ueh ma Y-Arôn jêh ri ma phung kon bu klâu păng, gay ma khân păng ƀư nau kan jêng kôranh ƀư brah ma Gâp.

Nau Ngluh Êjipt 28:6

“Khân păng mra jĭm êphôt nê̆ ăn ueh ma brai mhay rhên, rse brai chrêk, brai ĭr, brai chăng krăk jêh ri brai sut.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Êsêkiêl 19:14

Ŭnh luh tă bơh tơm păng, Sa lĕ n'gĭng jêh ri play păng Kŏ tât mâu hôm geh n'gĭng nâp ktang đŏng, Gay ƀư mâng jra ăn ma ngih kôranh chiă uănh. Nây jêng nau mprơ rngot gay dŏng nhĭm vơl.”

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Êsêkiêl 21:21

May hăn hom rduh lơh mpeh pa ma jêh ri dăp tahan mpeh pa chiau tĭng nâm ntŭk măt may rle.

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Ndrom Samƀŭt bơh Ôsê 13:10

Aƀaơ aơ ta ntŭk hađăch may? Gay ăn păng sâm rklaih may tâm lĕ rngôch ƀon toyh! Phung kôranh phat dôih jêng phung may kâp dơi geh pô aơ: “Ăn hom ma gâp du huê hađăch jêh ri phung kôranh!” Ta ntŭk khân păng?

Ndrom Samƀŭt bơh Ôsê 13:11

Tâm nau ji nuih, Gâp ăn jêh ma may du huê hađăch, Jêh ri tâm nau ji nuih, Gâp sŏk lơi.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Kan Lêvi 8:7

Y-Môis sâm nsoh ma ao jâr ma Y-Arôn, rêt an rse vân bŭt, sâm nsoh ao jong, djôt êphôt jêh ri rêt ma rse vân bŭt êphôt.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

ហេឞ្រើ 10:26

Yorlah tơlah he gĭt năl nau ngăn jêh, ƀiălah hôm mĭn ŭch ƀư tih, mâu hôm geh mpa ƀư brah ma nau chuai nau tih đŏng ôh,

Phung Kôranh Phat Dôih 17:5

Pônây, ngih Y-Mika jêng du ntŭk jay rhŏ brah. Păng ƀư du mlâm êphôt, jêh ri rup brah jê̆, jêh nây njêng du huê kon bu klâu păng ƀư kôranh ƀư brah.

Phung Kôranh Phat Dôih 18:14

Pônây, prăm nuyh hăn n'hut uănh n'gor Lais lah ma phung oh nâu khân păng pô aơ: “Khân may gĭt lĕ tâm ngih aơ geh du êphôt, rup brah jê̆, jêh ri du mlâm rup trah? Pônây aƀaơ, khân may gĭt jêh moh nau khân may mra ƀư.”

Phung Kôranh Phat Dôih 8:27

Y-Gidêôn sŏk mah nây ƀư du rup êphôt jêh ri dơm tâm ƀon toyh păng nơm ta Ôphra. Lĕ rngôch phung Israel ƀư nau văng tĭr nôk khân păng nhhơr mbah êphôt nây; păng jêng du mlâm dăk sân ma Y-Gidêôn jêh ri lĕ rngôch vâl păng.

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 21:9

Kôranh ƀư brah lah: “Aơ geh đao Y-Gôliat, bu klâu Philistin, nơm may hŏ nkhĭt jêh tâm rlŭng Êlah; bu put đao nây ma du bok, dơm pakơi êphôt. Tơlah may ŭch sŏk păng, sŏk hom, yorlah ta aơ, mâu hôm geh đao êng ôh.” Y-Đavit lah: “Mâu geh ôh đao tâm ban ma nây! May ăn hom đao nây ma gâp.”

I Samuel 22:18

Yor ri, hađăch lah ma Y-Dôek: “May văch dăch hom jêh ri nkhĭt phung kôranh ƀư brah.” Y-Dôek, bunuyh Êđôm, rduh dăch nkhĭt phung kôranh ƀư brah. Tâm nar nây, păng nkhĭt pham jât ma prăm nuyh nsoh êphôt ƀư ma brai mhay.

I Samuel 23:6

Tơlah kon Y-Ahimalek jêng Y-Abiathar, nchuăt du krap ndrel ma Y-Đavit, păng geh djôt du êphôt, jêh ri ndrel ma Y-Đavit hăn tât ta Keila.

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”

I Samuel 30:7

Păng ngơi đah kôranh ƀư brah Y-Abiathar, kon Y-Ahimalek: “Ăn may djôt leo hom êphôt tât ma gâp.” Y-Abiathar djôt leo êphôt tât ma Y-Đavit.