Ndrom Samƀŭt bơh Ôsê 3:1 - Nau Brah Ndu Ngơi 2023

¹ Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

Ndrom Samƀŭt bơh Ôsê 3:1 Iomraidhean Croise

II Samuel 6:19

jêh ri păng tâm pă ma lĕ rngôch phung Israel, ma lĕ bu klâu nđâp bu ur, ăp nơm du glo piăng let, du mlay puăch, jêh ri ƀănh play krăk ƀâu. Pakơi nây, ăp nơm sĭt ma ngih păng nơm.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

I Nau Rêh Jêng 16:3

Hađăch tâm pă ma lĕ rngôch phung Israel, bu klâu nđâp bu ur, ăp nơm du glo piăng let, du mlay puăch, jêh ri du glo ƀănh play krăk ƀâu kro.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Ngluh Êjipt 32:6

Ôi taơ phung ƀon lan dâk ơm ôi, nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Khân păng gŭ sông sa nhêt, Jêh nây dâk pâl ntalơ̆.

Nau Mprơ Ueh 2:5

Ăn ƀư n'hâm suan ma gâp đah ƀănh play krăk ƀâu kro, Ƀư mpay gâp đah play mandragôr; Yorlah gâp hŏ kop yor nau gâp rŏng.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Yêrêmi 3:20

Ƀiălah hơi ngih phung Israel, Mâm du huê bu ur mâu răp jăp chalơi sai păng. Pôri khân may ăt mâu răp jăp đah Gâp pônây lĕ.’ ” Brah Yêhôva lah pônây.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Ndrom Samƀŭt bơh Ôsê 7:5

Tâm nar maak hađăch he Phung kôranh ji kop yor n'hôl ƀâu ndrănh; Hađăch nhŭp ti nđâp phung suai rak.

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Mathay 26:50

Ƀiălah Brah Yêsu lah ma păng pô aơ: “Hơi jiăng, moh nau may ŭch ƀư, may ƀư hom!” Jêh nây khân păng văch, yơr ti ƀư mhĭk ma Brah Yêsu jêh ri nhŭp Păng.

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 10:7

Lơi dĭng mbah rup brah nâm bu ƀaƀă tâm phung khân păng, nâm bu nau hŏ nchih jêh: “Phung ƀon lan gŭ sông sa nhêt, Jêh nây dâk pâl ntalơ̆.”

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.

Phung Kôranh Phat Dôih 9:27

Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.