Ndrom Samƀŭt bơh Ôsê 2:7 - Nau Brah Ndu Ngơi 2023

⁷ Păng mra hăn tĭng phung rŏng păng ƀiălah mâu ban, Joi ƀiălah mâu mâp khân păng. Rnôk nây, păng lah êng: ‘Gâp mra plơ̆ sĭt ma sai saơm, Yorlah nôk nây gâp jêng ueh lơn ma aƀaơ aơ.’

Ndrom Samƀŭt bơh Ôsê 2:7 Iomraidhean Croise

II Nau Rêh Jêng 28:23

yorlah păng nhhơr ndơ ƀư brah ma phung brah ƀon Damas, jêng phung ƀon lan hŏ lơh păng nơm, yorlah păng mĭn: “Phung brah hađăch Aram hŏ kơl jêh khân păng, pôri gâp mra nhhơr ndơ ƀư brah ma phung brah nây gay khân păng kơl gâp.” Ƀiălah phung brah nây jêng nau ƀư roh rai ma păng, jêh ri lĕ rngôch phung Israel.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Êsêkiêl 16:18

Ay sŏk kho bu cheh ay nkŭm ăn ma khân păng, sŏk dak ngi ôlive jêh ri ndơ ƀâu kah Gâp mpơl tanăp khân păng.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Êsêkiêl 23:12

Păng rŏng ma phung Asiri, phung kôranh tahan jêh ri phung kôranh chiă uănh, jêng phung chiau meng păng; khân păng nkrơ̆ nsoh ăp ntil kho ao, rŏng ncho seh, lĕ rngôch jêng bu klâu ueh.

Êsêkiêl 23:22

Yor nây, Hơi H'Ôhôliba, Kôranh Brah Yêhôva lah: ‘Aơ, Gâp mra nsônh phung tĭr nây nuih n'hâm ay lĕ dĭl jêh, tâm rdâng đah ay jêh ri Gâp leo khân păng văch rduh lơh ay tă bơh puăn mpeh:

Êsêkiêl 23:4

Amoh nur jêng H'Ôhôla jêh ri amoh oh păng jêng H'Ôhôliba. Khân păng jêng ndơ ma Gâp jêh ri deh kon bu ur, kon bu klâu. H'Ôhôla jêng ƀon Samari, bi ma H'Ôhôliba jêng ƀon Yêrusalem.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 2:16

Brah Yêhôva lah: “Tâm nar nây, Ay mra kuăl Gâp jêng ‘sai gâp’ Jêh ri mâu mra kuăl Gâp jêng ‘kôranh gâp’ đŏng ôh.

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”