Ndrom Samƀŭt bơh Ôsê 2:23 - Nau Brah Ndu Ngơi 2023

²³ Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Ndrom Samƀŭt bơh Ôsê 2:23 Iomraidhean Croise

Nau Mprơ Ơm 118:28

May jêng Brah Ndu gâp, gâp mra tâm rnê ma May; May jêng Brah Ndu gâp, gâp mra yơk ma May.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 68:31

Ndơ nhhơr ma hađăch mra djôt tă bơh Êjipt, Phung Êthiôpi mra gơnh yơr ti mpeh ma Brah Ndu.

Nau Mprơ Ơm 72:16

Ăn ba mra rmeh ler tâm neh ntu Jêh ri ta klơ lĕ n'gơn yôk; Ăn kao play păng tâm ban ma tơm si Liban, Bi phung gŭ tâm ƀon toyh mra ndrŏng Nâm bu gơ̆ tâm neh.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 30:22

Tâm ban pônây, khân may mra jêng phung ƀon lan Gâp, Gâp mra jêng Brah Ndu khân may.’”

Yêrêmi 31:27

Brah Yêhôva lah: “Aơ, lĕ nar mra tât, Gâp mra sŏk ntil bunuyh jêh ri ntil mpô mpa srih tâm ntŭk ngih Israel jêh ri Yuđa.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Êsêkiêl 36:29

Gâp mra tâm rklaih khân may bơh lĕ rngôch nau ƀơ̆ ƀơch. Gâp mra kuăl ba ƀlê ueh, ăn chăt hon ntop âk jêh ri mâu ăn nau sât ji ngot tât ma khân may.

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Ndrom Samƀŭt bơh Ôsê 8:2

Khân păng nter tât ma Gâp: ‘Hơi Brah Ndu hên, hên jêng Israel, Hên gĭt năl May!’

Sakari 10:9

Gâp mra srih khân păng ta nklang phung ƀon lan, Ƀiălah tâm bri n'gor ngai, khân păng mra kah gĭt ma Gâp; Khân păng mra rêh ndrel ma phung kon khân păng jêh ri mra plơ̆ sĭt.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 3:29

Mâu lah Brah Ndu knŏng jêng Brah Ndu ma phung Yuđa dơm? Mâu di hĕ Păng jêng Brah Ndu ma phung bu năch tâm ban lĕ? Di ngăn, Păng ăt jêng Brah Ndu phung bu năch lĕ;

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!