Ndrom Samƀŭt bơh Ôsê 2:19 - Nau Brah Ndu Ngơi 2023

¹⁹ Gâp mra nđăp ay đah Gâp n'ho ro; Gâp mra nđăp ay đah Gâp tâm nau di jêh ri sŏng, Nau ueh jêh ri nau yô̆ nđach.

Ndrom Samƀŭt bơh Ôsê 2:19 Iomraidhean Croise

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Êsai 1:27

Bu mra tâm chuai ƀon Siôn ma nau di, Jêh ri phung ƀon lan tâm ƀon toyh rmal nau tih mra dơi tâm chuai bơh nau sŏng srăng.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Yôel 3:20

Ƀiălah n'gor Yuđa mra geh bunuyh gŭ mro mrăng, Jêh ri ƀon Yêrusalem mra hôm gŭ rêh bơh rnôk aơ tât rnôk ri.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Samƀŭt Pôl Njuăl Ăn Ma Phung Nsing Ta Ƀon Rôm 7:4

Tâm ban lĕ, hơi phung oh nâu gâp, Tă bơh tâm săk jăn Brah Krist khân may khĭt jêh ma nau vay jêh ri nar aơ khân may jêng ndơ bu êng, jêng Nơm nây hŏ dâk rêh tay tă bơh nau khĭt, gay ma he geh play ma Brah Ndu.

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.