Ndrom Samƀŭt bơh Ôsê 2:17 - Nau Brah Ndu Ngơi 2023

¹⁷ Yorlah Gâp mra ăn păng hă trôm mbung kuăl phung brah Baal, Jêh ri bu mâu mra hôm nkah tât đŏng ôh amoh khân păng.

Ndrom Samƀŭt bơh Ôsê 2:17 Iomraidhean Croise

Nau Mprơ Ơm 16:4

Ndrel ma phung hăn tĭng lĕ brah phung bu năch, ƀư ntop nau rngot êng ma khân păng nơm. Gâp mâu mra dŏng mham ƀư ndơ nhhơr nhêt ma khân păng, Mâu ngơi lĕ amoh khân păng ma bâr mbung gâp.

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Yôsuê 7:26

Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.