Ndrom Samƀŭt bơh Ôsê 2:15 - Nau Brah Ndu Ngơi 2023

¹⁵ Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Ndrom Samƀŭt bơh Ôsê 2:15 Iomraidhean Croise

I Phung Hađăch 16:31

Hađăch tĭng kơt nau tih bơh Y-Jêrôbôam, kon bu klâu Y-Nêbat, jêng nau jê̆ dơm, yor nây păng hŏ nsông kon bu ur Y-Êtbaal, hađăch phung Sidôn, jêng H'Jêsêbel ƀư ur păng. Hađăch pah kan đŏng jêh ri yơk mbah ma brah Baal.

Nau Mprơ Ơm 106:12

Rnôk nây mơ khân păng chroh nau Păng Jêh ri mprơ tâm rnê ma Păng.

Nau Mprơ Ơm 129:1

“Ntơm bơh gâp hôm jêng mom, khân păng vay tŭn jot gâp” Aƀaơ, Israel lah hom:

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Êsai 65:21

Bu mra ndâk ngih jêh ri gŭ ta nây, Mra tăm đang krăk ƀâu jêh ri sa play păng.

Yêrêmi 2:1

Geh nau Brah Yêhôva lah ma gâp:

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 3:4

Mâu di hĕ ntơm bơh kăl e may hŏ kuăl Gâp: ‘Ơ Mbơ̆ gâp, May jêng mĭt jiăng gâp ntơm bơh nôk ndăm,

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Nau Nhĭm Vơl 3:21

Ƀiălah kah gĭt tay nau nây Pôri gâp geh nau kâp gân.”

Êsêkiêl 16:22

Tâm lĕ nau ƀơ̆ jêh ri nau văng tĭr nây, ay mâu kah gĭt ôh ma rnôk ay hôm jê̆, dôl ay gŭ rhôk, pung tâm mham ay nơm.’

Êsêkiêl 16:60

Nđâp tơlah pônây, ăt Gâp mra kah gĭt tay nau tâm rnglăp Gâp nơm ƀư jêh đah ay tâm rnôk ay hôm druh mom, jêh ri Gâp mra ƀư nau tâm rnglăp đah ay du nau tâm rnglăp n'ho ro.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 28:25

Kôranh Brah Yêhôva lah: “Tơlah Gâp rgum ngih Israel tă bơh nklang phung ƀon lan khân păng hŏ ƀư nchah rai pru pra jêh, Gâp mra mpơl nau kloh ueh Gâp ta nklang khân păng panăp măt lĕ phung ƀon lan. Nôk nây, khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb.

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Ndrom Samƀŭt bơh Ôsê 12:13

Y-Yakôb du pôn rlet ma bri Aram; Israel ƀư dĭk gay geh ur, Yorlah gay geh ur mra hăn chiăp biăp.

Ndrom Samƀŭt bơh Ôsê 12:9

Êphraim lah jêh: “Nanê̆ ngăn, gâp hŏ ndrŏng jêh; Gâp hŏ geh âk drăp ndơ ăn ma gâp nơm. Tâm lĕ rngôch kan gâp ƀư Mâu dơi saơ ôh du ntil nau kan mhĭk gay kơp jêng nau tih.”

Ndrom Samƀŭt bơh Ôsê 13:4

Gâp yơh jêng Yêhôva Brah Ndu may Nơm njŭn leo may du luh tă bơh n'gor bri Êjipt; Padih Gâp, may lơi sŏk dơn brah êng ôh, Mâu geh ôh Nơm Tâm Rklaih êng, knŏng êng Gâp!

Ndrom Samƀŭt bơh Ôsê 2:12

Gâp mra ƀư rai lĕ tơm krăk ƀâu jêh ri tơm rvi păng, Jêng lĕ tơm si păng tâm mpơl pô aơ: ‘Aơ jêng prăk nkhôm Phung rŏng ăn jêh ma gâp.’ Gâp mra njêng khân păng jêng bri rngol Ăn lĕ mpô mpa bri sa rvăn păng.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Sakari 9:12

Hơi phung bu krŭng geh nau kâp gân, plơ̆ sĭt hom ma pôih! Nar aơ ro, Gâp mra mbơh pô aơ Gâp mra mplơ̆ ăn khân may bar tơ̆ âk lơn.

Nau Kơp Bunuyh 21:17

Nôk nây, phung ƀon lan Israel mprơ nau aơ: “Hơi ntu dak, luh hom dak! Mprơ hom răm maak ma ntu dak!

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Yôsuê 7:26

Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.

Phung Kôranh Phat Dôih 8:34

Tâm ban pônây phung ƀon lan Israel mâu hôm kah gĭt ôh ma Yêhôva Brah Ndu khân păng, jêng Nơm tâm rklaih jêh khân păng bơh lĕ rngôch phung rlăng khân păng gŭ văr jŭm păng.