Ndrom Samƀŭt bơh Ôsê 2:13 - Nau Brah Ndu Ngơi 2023

¹³ Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Ndrom Samƀŭt bơh Ôsê 2:13 Iomraidhean Croise

II Phung Hađăch 1:2

Hađăch Ahasia tŭp tă bơh jrô păng prêh ta klơ tâm ƀon Samari, jêh ri yor ma nây n'ho ma ji. Hađăch prơh phung mbơh hăn jêh ri ntĭnh pô aơ: “Hăn ôp hom ma Baal-Sêbup, brah ƀon Êkron, gĭt lah năl ma gâp mra bah hĕ nau ji aơ?”

II Phung Hađăch 10:28

Pônây yơh, Y-Jêhu ƀư rai brah Baal bơh phung Israel.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

Ndrom Samƀŭt bơh Yôp 8:13

Trong phung chuêl Brah Ndu nâm bu pônây; Nau kâp gân bơh phung mâu chroh mra rai lôch.

Nau Mprơ Ơm 106:13

Ƀiălah khân păng chuêl kan Păng gơnh ngăn; Mâu gŭ kâp ôh nau Păng nkah nti.

Nau Mprơ Ơm 106:21

Khân păng chuêl Brah Ndu jêng nơm tâm rklaih jêh khân păng, Jêh ri ƀư kan dŭt toyh ma khân păng tâm bri Êjipt;

Nau Mprơ Ơm 78:11

Khân păng chuêl lĕ kan Păng ƀư jêh Jêh ri lĕ nau kan khlay Păng tâm mpơl jêh ma khân păng saơ.

Nau Ngluh Êjipt 32:34

Ƀiălah aƀaơ, hăn hom, njŭn leo phung ƀon lan ta ntŭk Gâp hŏ ntĭm ma may. Aơ, tông mpăr Gâp mra hăn lor ma may. Ƀiălah, ta nar nau rmal, Gâp mra tâm rmal nau tih khân păng.”

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 11:13

Yorlah, hơi phung Yuđa, ndah âk ƀon khân may geh ăt geh âk brah kơt nây lĕ! Ndah âk Yêrusalem geh trong toyh ăt khân may ndâk âk kơt nây lĕ nơng ƀư brah ăn brah di ma nau prêng, jêng lĕ nơng ƀư brah nhhơr ndơ ƀâu kah ăn brah Baal!’

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 23:2

Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Nau Nhĭm Vơl 5:14

Phung kôranh bu ranh lĕ du tă bơh mpông ƀon, Phung bu klâu ndăm mâu hôm pâl kreh gong ôh.

Êsêkiêl 16:12

nsro rgên ta trôm muh ay, mblo thek ta tôr ay, jêh ri ndô ta klơ bôk ay du mlâm đon hađăch ueh.

Êsêkiêl 16:17

Ay lĕ saơ ndơ nkrơ̆ ueh ƀư ma mah jêh ri ma prăk Gâp hŏ ăn jêh ma ay gay ƀư rup phung bu klâu, jêh nây ƀư nau văng tĭr ma khân păng.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 13:1

Ăp tơ̆ Êphraim ngơi, bu râm nsâr; Păng n'hao dơi geh nau bu yơk tâm n'gor Israel. Ƀiălah yor tih jêh mbah brah Baal, Yor nây păng mra khĭt.

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Ndrom Samƀŭt bơh Ôsê 2:7

Păng mra hăn tĭng phung rŏng păng ƀiălah mâu ban, Joi ƀiălah mâu mâp khân păng. Rnôk nây, păng lah êng: ‘Gâp mra plơ̆ sĭt ma sai saơm, Yorlah nôk nây gâp jêng ueh lơn ma aƀaơ aơ.’

Ndrom Samƀŭt bơh Ôsê 4:13

Khân păng nhhơr ndơ ƀư brah ta klơ n'gơn yôk prêh, Su ndơ ƀâu kah ta klơ lĕ yôk, Tâm dâng tơm si guyh, tơm si pôplar, tơm n'ho, Yorlah gui n'hâm păng ueh ngăn. Yor nây kon bu ur khân may ƀư nau ka n'hong, Ƀăn khân may văng tĭr.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Nau Vay Nkah Tay 32:18

Khân may mâu mĭn rvê ôh ma Lŭ Toyh hŏ njêng jêh khân may nơm Jêh ri chuêl jêh Brah Ndu Nơm ăn nau rêh.

Nau Vay Nkah Tay 6:12

njrăng hom klach lah may chuêl Brah Yêhôva jêng Nơm hŏ njŭn leo jêh may luh bơh n'gor Êjipt, jêng bơh vâl dĭk bu.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.

Phung Kôranh Phat Dôih 3:7

Phung ƀon lan Israel ƀư nau mhĭk tanăp Brah Yêhôva, chuêl jêh Yêhôva Brah Ndu khân păng, jêh ri yơk mbah ma lĕ rup Baal jêh ri Asêrah.

I Samuel 12:9

Ƀiălah khân păng chuêl jêh Yêhôva Brah Ndu khân păng, yor ri Păng jao khân păng ăn tâm ti Y-Sisêra, kôranh tahan ta Hasôr, tâm ti phung Philistin jêh ri hađăch bri Môap; phung aơ tâm lơh đah khân păng.