Ndrom Samƀŭt bơh Ôsê 2:1 - Nau Brah Ndu Ngơi 2023

¹ “Kuăl hom ma oh nâu khân may jêng Ammi jêh ri ma oh ruh khân may jêng Ruhama.”

Ndrom Samƀŭt bơh Ôsê 2:1 Iomraidhean Croise

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Yêrêmi 51:5

Phung Israel ndrel ma phung Yuđa bu mâu dun chalơi ôh, Ma yor Brah Ndu jêng Brah Yêhôva ma phung tahan khân păng; Nđâp lah bri dak khân păng bêng ma nau tih mhĭk Yorlah tâm rdâng đah Nơm Kloh Ueh Israel.

Êsêkiêl 11:20

gay khân păng mra hăn tĭng nau vay dăp Gâp, tông prăp jêh ri ƀư tĭng nau vay ƀư bơh Gâp. Khân păng mra jêng ƀon lan Gâp jêh ri Gâp mra jêng Brah Ndu ma khân păng.

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Êsêkiêl 36:28

Khân may mra gŭ tâm bri Gâp ăn jêh ma chô yau khân may; khân may jêng phung ƀon lan Gâp, jêh ri Gâp jêng Brah Ndu khân may.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Ndrom Samƀŭt bơh Ôsê 2:2

“Phong hom ma mê̆ khân may, Phong hom yorlah păng mâu di ôh jêng ur Gâp, Gâp mâu ôh jêng sai păng! Đă păng mƀăr lơi nau văng tĭr klơ măt păng Jêh ri têl nau văng tĭr ta nklang toh păng.

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

I Timôthê 1:13

nđâp lah kăl e ri gâp jêng nơm sưr rlau, ƀư mhĭk, hăt janh ƀai. Ƀiălah gâp hŏ dơn jêh nau yô̆ nđach, yorlah nôk nây gâp ƀư tâm nau rluk mâl bơh nuih n'hâm mâu chroh.

I Pêtrôs 2:10

kăl e ri khân may mâu di jêng du phung ƀon lan ôh, ƀiălah aƀaơ jêng phung ƀon lan Brah Ndu; kăl e ri mâu dơi yô̆ nđach ôh, ƀiălah aƀaơ geh jêh nau yô̆ nđach.