Ndrom Samƀŭt bơh Ôsê 14:7 - Nau Brah Ndu Ngơi 2023

⁷ Phung gŭ tâm dâng n'hâm gui păng mra plơ̆ sĭt. Khân păng mra dơi rêh đŏng nâm bu ba. Khân păng mra luh kao nâm bu tơm krăk ƀâu Jêh ri n'hôl ƀâu kah Israel mra nâm bu ndrănh bri Liban.

Ndrom Samƀŭt bơh Ôsê 14:7 Iomraidhean Croise

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 4:11

Hơi ƀăn gâp, trôm mbung ay ăn truh dak sŭk, Tâm dâng mpiăt ay pôn dak sŭt jêh dak toh; Ao ay n'hôl nâm bu ƀâu bri Liban.

Nau Mprơ Ueh 6:11

Gâp hăn jŭr ta đang play nhhăr, Gay uănh nkeh nse tâm rlŭng, Uănh đang krăk ƀâu hŏ chăt nkŭr, Pom gra nat hŏ luh kao mâu lah ê hŏ.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsêkiêl 17:23

Nanê̆, Gâp mra tăm păng ta klơ yôk prêh Israel; păng mra chăt n'gĭng, geh play jêh ri mra jêng du tơm si sêdar ueh reh. Lĕ rngôch phung sĭm mra văch nde tâm dâng păng jêh ri lĕ rngôch ntil geh năr mra nde tâm dâng gui lĕ n'gĭng păng.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Ndrom Samƀŭt bơh Ôsê 2:22

Neh ntu mra plơ̆ lah ma ba ƀlê, Ndrănh mhe, jêh ri dak ngi; Lĕ rngôch pe ntil nây mra plơ̆ lah ma Jesrêel.

Ndrom Samƀŭt bơh Ôsê 6:2

Bar nar pakơi Păng mra ăn he kah rngăl tay; Nar rơh pe Păng mra rdâk ăn he dâk, Gay he rêh tanăp măt Păng.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.