Ndrom Samƀŭt bơh Ôsê 14:6 - Nau Brah Ndu Ngơi 2023

⁶ Lĕ n'gĭng nse păng vơr ngai; Nau ueh păng mra jêng nâm bu nau ueh tơm play ôlive, N'hôl ƀâu kah păng nâm bu n'hôl ƀâu kah bri Liban.

Ndrom Samƀŭt bơh Ôsê 14:6 Iomraidhean Croise

Nau Ntơm 27:27

Y-Yakôb hăn êp jêh ri chŭm mbơ̆ păng. Y-Isăk n'hơp ƀâu kah tă bơh ao kon păng, jêh ri ăn nau ueh uĭn ro. Păng lah: “Aơ, ƀâu nglâm kon bu klâu gâp, Nâm bu ƀâu nglâm bơh mir Brah Yêhôva ăn jêh nau ueh uĭn.

Nau Mprơ Ơm 128:3

Ur may gŭ tâm ngih may Mra jêng nâm bu du tơm krăk ƀâu play âk; Phung oh kon may gŭ jŭm sưng sông sa Nâm bu lĕ nkeh nse tơm ôlive.

Nau Mprơ Ơm 52:8

Ƀiălah tâm ban ma tơm ôlive ndrêh ueh Tâm ngih Brah Ndu. Gâp rnơm nsing tâm nuih n'hâm ueh Brah Ndu Tât n'ho ro mâu blau lôch ôh.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Yêrêmi 11:16

Brah Yêhôva hŏ tă kuăl săk may jêng ‘tơm ôlive ndrêh, play rkŭm âk ueh măt.’ Ƀiălah aƀaơ, ta nklang nau nteh vănh blông ngrông, Păng mpoh ŭnh su păng, lĕ n'gĭng păng rai lĕ.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Mathay 13:31

Brah Yêsu ngơi ntĭt ma khân păng du nau hôr êng: “Ƀon bri hađăch klơ trôk nâm bu du găr trau, bunuyh ri sŏk gay nsrih tâm mir lŏ păng.

Yôhan 15:1

“Gâp jêng tơm krăk ƀâu ngăn, Mbơ̆ Gâp jêng nơm tăm krăk ƀâu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.