Ndrom Samƀŭt bơh Ôsê 14:5 - Nau Brah Ndu Ngơi 2023

⁵ Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 14:5 Iomraidhean Croise

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

II Phung Hađăch 19:30

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

Ndrom Samƀŭt bơh Yôp 29:19

Reh gâp hung tât ăp tu dak, Jêh ri dak tŭk ăp măng kăr ta n'gĭng gâp;

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 72:16

Ăn ba mra rmeh ler tâm neh ntu Jêh ri ta klơ lĕ n'gơn yôk; Ăn kao play păng tâm ban ma tơm si Liban, Bi phung gŭ tâm ƀon toyh mra ndrŏng Nâm bu gơ̆ tâm neh.

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Nau Mprơ Ơm 80:9

May kai pŏk neh ăn păng, Păng njŭr reh jêh ri hung bêng ta klơ neh.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Nau Mprơ Ơm 92:13

Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Nau Mprơ Ueh 4:5

Bar mlâm toh ay nâm bu bar jun kon jê̆, Nâm bu bar yơng deh kon bar, Dôl sa gơ̆ ta nklang kao si ueh.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Mathay 6:28

Bi ma bok ao, mâm ƀư khân may rvê ir? Uănh hom ma kao si ueh tâm mir mâm khân păng chăt hon; khân păng mâu rgănh pah kan, mâu lĕ rui brai;

Luka 12:27

Uănh hom mâm ƀư kao si ueh văch ma prêh: Khân păng mâu ƀư kan jâk jêr, mâu lĕ rui brai; ƀiălah Gâp lah ma khân may, nđâp tơlah hađăch Salômôn lĕ nau chrêk rmah, mâu dơi đŏng nsoh ueh tâm ban ma phung kao si ueh aơ.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.