Ndrom Samƀŭt bơh Ôsê 14:3 - Nau Brah Ndu Ngơi 2023

³ Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Ndrom Samƀŭt bơh Ôsê 14:3 Iomraidhean Croise

II Nau Rêh Jêng 16:7

Nôk nây lĕ, nơm geh nau tâm saơ Y-Hanani hăn tâm mâp đah Y-Asa, hađăch Yuđa, jêh ri lah: “Yorlah may rnơm nsing ma hađăch Aram ƀiălah mâu rnơm nsing ôh ma Yêhôva Brah Ndu may, rĭ dĭng phung tahan Aram lĕ klaih jêh bơh may.

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 33:17

Rnơm ma seh gay dơi rklaih jêng dơm dam, Nau rnam păng dơi mâu lĕ dơi tâm rklaih ma du huê bunuyh.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Êsai 1:29

Pôri may mra bêk yor ma tơm si Khân may rŏng; Jêh ri đit prêng yor ma ntŭk n'gar trao Khân may săch jêh.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 30:2

Khân păng mâu ôp nau mĭn Gâp ôh Ƀiălah lŏ hăn trŭnh ta bri Êjipt, Gay joi ntŭk krap tâm nau n'gang bơh Pharaôn, Jêh ri nde tâm gui Êjipt!

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 31:3

Phung Êjipt knŏng jêng bunuyh dơm, mâu di jêng Brah Ndu ôh; Seh ndơ tâm lơh khân păng knŏng jêng nglay săk, mâu di jêng huêng brah ôh. Tơlah Brah Yêhôva yơr ti Păng, Nơm kơl mra ndĭt ndĭu, nơm geh nau kơl mra prah jŭr, Lĕ rngôch khân păng mra rai yot ndrel n'grŭp.

Êsai 36:8

Pôri aƀaơ aơ, ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh, tơlah may joi tŏng rnoh phung tahan ncho seh gay ncho!

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 37:23

Khân păng mâu mra ƀư nau ƀơ̆ ƀơch êng tă bơh ma lĕ rup brah đŏng ôh, mâu lah tă bơh lĕ ndơ ƀơ̆, mâu lah tă bơh lĕ rngôch nau tih khân păng hŏ ƀư jêh. Gâp mra tâm rklaih khân păng tă bơh lĕ rngôch ntŭk khân păng hŏ ƀư tih. Gâp mra ƀư kloh khân păng; khân păng mra ƀư phung ƀon lan Gâp jêh ri Gâp mra ƀư Brah Ndu khân păng.

Ndrom Samƀŭt bơh Ôsê 12:1

Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Ndrom Samƀŭt bơh Ôsê 2:17

Yorlah Gâp mra ăn păng hă trôm mbung kuăl phung brah Baal, Jêh ri bu mâu mra hôm nkah tât đŏng ôh amoh khân păng.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Ndrom Samƀŭt bơh Ôsê 8:9

Yorlah khân păng hăn hao jêh ma bri Asiri Nâm bu du mlâm seh bri hăn nsong mblêng êng du huê. Êphraim hŏ nkhôm phung rŏng ma păng.

Yônais 2:10

Ƀiălah gâp mra sŏk bâr tâm rnê Mra nhhơr ndơ ƀư brah ma May; Gâp mra plơ̆ lôch nau gâp hŏ ton jêh. Nau tâm rklaih luh tă bơh Brah Yêhôva!”

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’