Ndrom Samƀŭt bơh Ôsê 14:2 - Nau Brah Ndu Ngơi 2023

² Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Ndrom Samƀŭt bơh Ôsê 14:2 Iomraidhean Croise

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Nau Mprơ Ơm 119:108

Ơ Brah Yêhôva, dăn May dơn ndơ ƀư brah gâp nơm ŭch nhhơr ma May ma nau mprơ tâm rnê bơh gâp, Jêh ri sâm nti gâp nau vay ƀư bơh May.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 51:16

Yorlah May mâu maak ôh ma mpa ƀư brah, nđâp lah gâp mra nhhơr. Ndơ ƀư brah gŭch ăt mâu ƀư maak nuih n'hâm May.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Ndrom Samƀŭt bơh Ôsê 12:7

Pôri may plơ̆ sĭt hom ma Brah Ndu may; Prăp nuih n'hâm ueh jêh ri nau sŏng, Jêh ri gŭ kâp gân mro mrăng ma Brah Ndu may.”

Ndrom Samƀŭt bơh Ôsê 5:5

Nau sưr phung Israel phong păng; Israel jêh ri Êphraim chôt prah tâm nau tih mhĭk khân păng; Yuđa mra chôt prah ndrel ma khân păng.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Yônais 2:9

Phung mĭn rvê ma nau mƀruh Pôri nau yô̆ nđach mra chalơi khân păng.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Luka 18:13

Bi bunuyh riu pi gŭ ngai ngai, kŏ tât mâu nănh n'gơr măt klơ trôk, knŏng tŭr ntang ntơh jêh ri lah: ‘Ơ Brah Ndu, dăn yô̆ nđach ma gâp, yorlah gâp jêng du huê bunuyh tih!’

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Samƀŭt Pôl Njuăl Ăn Ma Phung Nsing Ta Ƀon Rôm 11:27

“Jêh ri aơ jêng nau tâm rnglăp Gâp ƀư đah khân păng, Tơlah Gâp jut lơi nau tih khân păng.”

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 10:4

Yorlah mham ndrôk nkuăng jêh ri be nkuăng mâu dơi sŏk lơi nau tih.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.