Ndrom Samƀŭt bơh Ôsê 13:2 - Nau Brah Ndu Ngơi 2023

² Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Ndrom Samƀŭt bơh Ôsê 13:2 Iomraidhean Croise

I Phung Hađăch 19:18

Ƀiălah tâm n'gor Israel, Gâp hŏ prăp ma Gâp pơh rbăn nuyh mâu geh mâp chon ôh kômâk panăp brah Baal, jêh ri trôm mbung khân păng mâu mâp chŭm ôh păng.”

II Nau Rêh Jêng 28:13

Khân păng lah: “Khân may lơi dĭng leo bu nă lăp ta aơ ôh, yorlah ƀư kơt nây, khân may ƀư ma he khan nau tih đah Brah Yêhôva, jêh ri ntop đŏng nau tih mhĭk ma phung he lơ hô. Yorlah nau tih he jêng toyh ngăn, jêh ri nau ji nuih dôl gŭ klơ phung Israel.”

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 44:11

Aơ, lĕ rngôch phung băl păng mra geh nau bêk prêng; phung pah kan nây jêng knŏng bunuyh dơm. Ăn lĕ rngôch khân păng tâm rƀŭn jêh ri dâk! Khân păng mra klach krit jêh ri bêk prêng da dê.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:6

Bu sŏk mah tă bơh dŭng, Jêh ri veh prăk ma njing; Khân păng nkhôm nơm chiăr prăk tŏ du brah, Jêh ri păn yơk mbah.

Êsai 46:8

“Ăn khân may kah gĭt nau aơ jêh ri sek mĭn; Ơ phung ƀư tih, ăn khân mĭn tay!

Yêrêmi 10:4

Sŏk prăk mah mblum ăn ma rup nây; Dŏng me nôp jêh ri kđĭn pâng nâp ngăn Gay rup mâu n'goh n'gơ.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Ndrom Samƀŭt bơh Ôsê 10:5

Phung gŭ tâm n'gor Samari mra krit klach Ăn lĕ ndrôk kon, Bêt-Aven Phung ƀon lan mra nhĭm nhhiăng ma păng, Phung kôranh ƀư brah ŭch ngăn ma păng ăt nhĭm nhhiăng Yorlah nau chrêk rmah păng hŏ du roh jêh.

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 11:6

Đao gưm mra ƀư mhĭk ƀaƀơ tâm lĕ ƀon toyh khân păng, Ƀư rai lĕ mâng rnăng mpông jêh ri rvăn lĕ rngôch khân păng Yor lĕ nau khân păng mĭn ŭch ƀư.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Ndrom Samƀŭt bơh Ôsê 4:17

Êphraim tâm rnglăp đah rup brah, Lơi kđôi păng!

Ndrom Samƀŭt bơh Ôsê 8:4

Khân păng hŏ njêng hađăch mâu geh tă bơh Gâp, Săch phung kôranh chiă uănh ƀiălah Gâp mâu gĭt ôh. Khân păng sŏk prăk mah khân păng ƀư rup brah Gay ma bu ƀư rai khân păng.

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Nau Kơp Bunuyh 32:14

Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

Samƀŭt Pôl Njuăl Ăn Ma Phung Nsing Ta Ƀon Rôm 11:4

Ƀiălah moh nau Brah Ndu plơ̆ lah ma păng? “Gâp njrăng prăp jêh ma Gâp nơm pơh rbăn nuyh ê mâp chon kômâk tanăp brah Baal.”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?