Ndrom Samƀŭt bơh Ôsê 13:13 - Nau Brah Ndu Ngơi 2023

¹³ Nau bu ur ji deh mra tât ta klơ păng, Ƀiălah păng jêng du huê kon mâu blau mĭn ôh; Yorlah di mông bu deh jêh păng mâu ŭch luh ôh bơh ndŭl me.

Ndrom Samƀŭt bơh Ôsê 13:13 Iomraidhean Croise

II Phung Hađăch 19:3

Khân păng lah ma păng: “Hađăch Hêsêkia lah kơt aơ: ‘Nar aơ jêng nar rŭng răng, nau nduyh, jêh ri nau bêk prêng; tâm ban bu ur lĕ tât nôk deh kon jêh, ƀiălah mâu tŏng suan gay deh kon ôh.

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Nau Hôr 22:3

Bunuyh blau ngăn saơ lor nau mhĭk jêh ri du krap, Ƀiălah phung rluk hăn rduh ran tât jêh ri dơn nau mhĭk.

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 26:17

Ơ Brah Yêhôva, tanăp măt May, Hên tâm ban ma du huê bu ur ntreo dăch ji deh, Rngot klâng, vơl nter tâm nau nđêh ji ngăn.

Êsai 37:3

Khân păng lah ma Y-Êsai: “Y-Hêsêkia lah kơt aơ: ‘Nar aơ jêng nar rŭng răng, nau nduyh jêh ri nau bêk prêng; tâm ban bu ur lĕ tât nôk deh kon jêh ƀiălah mâu tŏng suan gay deh kon ôh.

Êsai 66:9

Brah Yêhôva lah: “Gâp nơm yơh pơk rnăn ăn bu ur me dơi deh, Mâm ƀư lŏ mâu ăn deh? Mâu lah Gâp jêng Nơm ăn bu dơi deh king đŏng nau deh?” Brah Ndu khân may lah pônây.

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Ndrom Samƀŭt bơh Ôsê 5:4

Nau kan khân păng ƀư king lơi khân păng Plơ̆ sĭt ma Brah Ndu khân păng. Yorlah nuih n'hâm ka n'hong lăp chiă uănh khân păng Yor ri khân păng mâu gĭt năl ôh Brah Yêhôva.

Yôhan 16:21

Bu ur dôl deh kon geh nau ji glăm, yorlah mông păng nơm tât jêh, ƀiălah dôl păng deh kon jêh, păng mâu hôm kah gĭt ôh nau ji glăm, ƀiălah păng răm, yorlah du huê bunuyh hŏ deh jêh tâm neh ntu.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.