Ndrom Samƀŭt bơh Ôsê 12:13 - Nau Brah Ndu Ngơi 2023

¹³ Y-Yakôb du pôn rlet ma bri Aram; Israel ƀư dĭk gay geh ur, Yorlah gay geh ur mra hăn chiăp biăp.

Ndrom Samƀŭt bơh Ôsê 12:13 Iomraidhean Croise

Nau Ntơm 28:2

Ƀiălah may dâk gơnh hom, hăn ta n'gor Padan-aram, tât ta ngih Y-Bêthuel, mbơ̆ me may, jêh ri ta nây may nđăp tâm du huê kon bu ur va may Y-Laban ƀư ur.

Nau Ntơm 29:20

Yorlah H'Rachel, Y-Yakôb hŏ kơl pah kan tâm pơh năm jêh. Ƀiălah yor rŏng H'Rachel, Y-Yakôb uănh pơh năm aơ nâm bu bar pe nar.

Nau Mprơ Ơm 77:20

May dŏng ti Y-Môis jêh ri Y-Arôn Gay ma njŭn leo phung ƀon lan May nâm bu du phung biăp.

Nau Ngluh Êjipt 13:3

Y-Môis lah ma phung ƀon lan: “Ăn khân may ndray nar aơ, yorlah aơ jêng nar Brah Yêhôva dŏng mpang ti nau brah gay djôt khân may luh bơh n'gor Êjipt, jêng luh bơh ngih dĭk bu, lơi sa ôh piăng let geh ndrui.

Nau Ngluh Êjipt 14:19

Tông mpăr Brah Ndu ơm vay hăn lor panăp rmlak tahan phung Israel, hŏ trơn jêh jêh ri hăn pakơi khân păng; bi n'gâng tŭk hŏ trơn jêh bơh panăp khân păng hăn mpeh pakơi,

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Mika 6:4

Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.

Nau Kơp Bunuyh 12:8

Gâp ngơi đah păng mbung ndrăng mbung ma nau rah vah, mâu geh nau ngơi ndâp Jêh ri păng saơ rup Brah Yêhôva. Mâm khân may mâu klach ƀiălah ngơi kek đah oh mon Gâp jêng Y-Môis?”

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.

I Samuel 12:8

Jêh Y-Yakôb tât ta n'gor bri Êjipt, chô yau khân may vơl dăn ma Brah Yêhôva, Păng prơh Y-Môis jêh ri Y-Arôn hăn njŭn leo chô yau khân may du luh tă bơh n'gor bri Êjipt, jêh ri ăn ma khân păng gŭ tâm ntŭk aơ.