Ndrom Samƀŭt bơh Ôsê 12:12 - Nau Brah Ndu Ngơi 2023

¹² Gilêat bêng nau djơh mhĭk, N'hêl nanê̆ khân păng mra jêng dơm dam. Khân păng nhhơr ƀư brah ma ndrôk nkuăng tâm ƀon Gilgal, Lĕ nơng ƀư brah khân păng nâm bu bun lŭ Ta lĕ mbor chuar tâm mir.

Ndrom Samƀŭt bơh Ôsê 12:12 Iomraidhean Croise

Nau Ntơm 27:43

Aƀaơ, ơ nâu, iăt hom nau gâp, dâk gơnh hom jêh ri nchuăt du ta ngih Y-Laban, va may, ta Charan.

Nau Ntơm 30:26

Dăn ăn ma gâp leo bar hê ur gâp jêh ri phung kon gâp gay gâp hăn du luh. May hŏ gĭt jêh gâp yor ŭch geh khân păng, dĭng gâp pah kan jêh ma may.”

Nau Ntơm 31:41

Bar jât năm gâp gŭ tâm ngih may jêng dah nây yơh. Gâp pah kan ma may jât puăn năm gay ma geh bar hê kon bu ur may, prao năm gay dơi geh phung mpô mpa tă bơh phung mpô mpa may, jêh ri may tâm rgâl rnoh nau nkhôm ma gâp pah kan tât jât tơ̆.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Ndrom Samƀŭt bơh Ôsê 6:8

Gilêat jêng du rplay ƀon phung ƀư nau mhĭk, Rplay ƀon bêng ma têl mham.

Nau Vay Nkah Tay 26:5

Jêh nây, ăn khân may ngơi tanăp Yêhôva Brah Ndu pô aơ: ‘Chô yau hên jêng du huê bunuyh Aram nsong mblêng jŭr ta Êjipt, gŭ njưh ƀât lât ta nây đah du phung djê̆, ƀiălah bơh ta nây lĕ plăch jêng du ndŭl mpôl toyh, ktang jêh ri bĭk âk.