Ndrom Samƀŭt bơh Ôsê 12:1 - Nau Brah Ndu Ngơi 2023

¹ Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.

Ndrom Samƀŭt bơh Ôsê 12:1 Iomraidhean Croise

Nau Ntơm 41:6

Jêh nây, geh pơh ndrŏng ba êng, nsiăp jêh ri kro yor sial puh, luh tĭng pơh ndrŏng lor ri.

II Phung Hađăch 15:19

Hađăch Asiri jêng Y-Pul hăn văch rvan n'gor. Y-Mênahem ăn ma Y-Pul pe rmưn kilô prăk, gay ma păng kơl ăn nâp ƀon bri hađăch tâm ti păng.

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

Ndrom Samƀŭt bơh Yôp 15:2

“Di lĕ bunuyh blau mĭn tâm ơh ngơi đah nau blau mĭn âk nâm bu sial puh, Jêh ri prăp sial puh bêng ndŭl?

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Nau Nhĭm Vơl 5:6

Hên nchŏng ti dăn ma phung Êjipt Jêh ri Asiri, gay geh tŏng ƀănh sa.

Êsêkiêl 17:10

Ri tơlah păng dơi tăm, păng geh nau chăt nse lĕ? Tơlah sial puh tât ta păng, păng mâu kro lĕ rngôch lĕ? Di yơh, păng mra kro ro păng prêh jêh ta klơ mbon neh.’”

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Ndrom Samƀŭt bơh Ôsê 4:19

Sial hŏ rdu lơi khân păng tâm nting năr păng Jêh ri khân păng mra bêk prêng yorlah lĕ ndơ ƀư brah khân păng.”

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.