Ndrom Samƀŭt bơh Ôsê 11:6 - Nau Brah Ndu Ngơi 2023

⁶ Đao gưm mra ƀư mhĭk ƀaƀơ tâm lĕ ƀon toyh khân păng, Ƀư rai lĕ mâng rnăng mpông jêh ri rvăn lĕ rngôch khân păng Yor lĕ nau khân păng mĭn ŭch ƀư.

Ndrom Samƀŭt bơh Ôsê 11:6 Iomraidhean Croise

Nau Mprơ Ơm 106:39

Nâm pônây, khân păng ƀơ̆ ƀơch yor kan khân păng, Jêh ri ƀư tih văng tĭr ma nau khân păng pah.

Nau Mprơ Ơm 106:43

Âk tơ̆ Kôranh Brah tâm rklaih khân păng, Ƀiălah khân păng sâl tâm rdâng đah Păng. Jêh ri gŭ ngâm tâm nau tih.

Êsai 18:5

Êlor yan rek tât, nôk yan kao lôch jêh, Jêh ri kao jêng jêh lĕ rkŭm play krăk ƀâu dŭm, Bu mra sŏk nhuĕ koh lĕ n'gĭng nse, Koh mƀăr lĕ n'gĭng pŭm.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 9:14

Bôk jêng kôranh bu ranh jêh ri nơm bu yơk Chiăng jêng nơm mbơh lor nti lah nau mƀruh.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Ndrom Samƀŭt bơh Ôsê 10:14

Yor ri, nau drơu drơu mra luh tâm phung ƀon lan may: Jêh ri bu mra ƀư rai lĕ rngôch pôih may Nâm bu Y-Salman ƀư rai ƀon Bet-Arbel nôk nar tâm lơh, Nar bu jot nkrâm phung me ndrel ma phung kon khân păng.

Ndrom Samƀŭt bơh Ôsê 10:6

Tâm ban lĕ păng bu mra djôt leo ma bri Asiri Nhhơr ma hađăch toyh bri dak aơ. Rnôk nây, Êphraim mra bêk prêng, Israel mra bêk ma nau plĕch rlăm khân păng nơm.

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Ndrom Samƀŭt bơh Ôsê 4:17

Êphraim tâm rnglăp đah rup brah, Lơi kđôi păng!

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Mika 5:11

Gâp mra ƀư rai lơi phung ƀŭk rƀên tă bơh may Jêh ri may mâu mra hôm geh ôh phung n'hŭm.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.