Ndrom Samƀŭt bơh Ôsê 11:3 - Nau Brah Ndu Ngơi 2023

³ Nđâp tơlah Gâp hŏ nti jêh Êphraim chuat hăn, Sŏk tur ti têk ndrêng păng. Ƀiălah khân păng mâu gĭt ôh Gâp hŏ ƀư bah ma khân păng.

Ndrom Samƀŭt bơh Ôsê 11:3 Iomraidhean Croise

Nau Mprơ Ơm 107:20

Păng ăn nau Păng ngơi jêh ri ƀư bah khân păng, Tâm rklaih khân păng bơh môch.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Nau Ngluh Êjipt 23:25

Yơk mbah hom ma Yêhôva Brah Ndu khân may; Păng mra ăn nau ueh uĭn tâm piăng let may sa, tâm dak khân may nhêt, jêh ri sŏk lơi nau ji kuet der ngai bơh khân may.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Ndrom Samƀŭt bơh Ôsê 7:15

Nđâp tơlah Gâp hŏ nti jêh ri ƀư ktang nting tur ti khân păng, Khân păng ăt mĭn ma nau mhĭk tâm rdâng đah Gâp.

Kôranh Oh Mon 13:18

Păng ŭn nuih phung nây klăp lah puăn jât năm tâm bri rdah.

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

Nau Vay Nkah Tay 33:27

Brah Ndu gŭ rêh n'ho ro jêng ntŭk du krap, Ti n'ho ro bơh Păng kơl an he. Păng mra nsot phung rlăng du luh bơh măt khân may Jêh ri lah: ‘Ƀư rai hom khân păng!’

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.