Ndrom Samƀŭt bơh Ôsê 10:8 - Nau Brah Ndu Ngơi 2023

⁸ Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Ndrom Samƀŭt bơh Ôsê 10:8 Iomraidhean Croise

Nau Ntơm 3:8

Dôl tăng nteh Yêhôva Brah Ndu hăn tâm n'gar trao nôk nđik kêng mhaơ, Y-Ađam jêh ri ur păng du krap ta nklang rlô si tâm n'gar trao gay ndâp măt Yêhôva Brah Ndu.

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

I Phung Hađăch 13:34

Nau nây rlơ̆ jêng du nau tih toyh ma ngih Y-Jêrôbôam, kŏ tât nau chiă uănh Y-Jêrôbôam bu ƀư ăn rlâm jêh ri rai lôch lĕ bơh klơ neh ntu.

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 2:21

Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 32:13

Yor neh phung ƀon lan Gâp, Hon tơm lok jêh ri pih pŭm, Yor lĕ rngôch ngih maak tâm ƀon răm maak. Mâu hôm geh ôh.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 10:5

Phung gŭ tâm n'gor Samari mra krit klach Ăn lĕ ndrôk kon, Bêt-Aven Phung ƀon lan mra nhĭm nhhiăng ma păng, Phung kôranh ƀư brah ŭch ngăn ma păng ăt nhĭm nhhiăng Yorlah nau chrêk rmah păng hŏ du roh jêh.

Ndrom Samƀŭt bơh Ôsê 10:9

Hơi Israel, ntơm bơh nar Gibêa, may hŏ ƀư tih jêh! Khân păng dâk ta nây da dê; Mâu hĕ nau tâm lơh dơi ban Phung kon nau djơh mhĭk tâm Gibêa?

Ndrom Samƀŭt bơh Ôsê 2:6

Yor nây, Gâp mra sŏk pôm lok nchăng trong păng, Ndâk du mlâm mpêr jŭm păng Ăn păng mâu dơi saơ trong hăn ôh.

Ndrom Samƀŭt bơh Ôsê 4:13

Khân păng nhhơr ndơ ƀư brah ta klơ n'gơn yôk prêh, Su ndơ ƀâu kah ta klơ lĕ yôk, Tâm dâng tơm si guyh, tơm si pôplar, tơm n'ho, Yorlah gui n'hâm păng ueh ngăn. Yor nây kon bu ur khân may ƀư nau ka n'hong, Ƀăn khân may văng tĭr.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Ndrom Samƀŭt bơh Ôsê 5:8

Uh hom rlet ta Gibêa, Uh nŭng ta Rama! Ăn khân may dat kuăl ăn bu njrăng ta Bet-Aven! Hơi Benjamin, phung rlăng gŭ pakơi may!

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Amôt 1:5

Gâp mra nkê̆ch lơi rnăng nđăng mpông ƀon Damas; Gâp mra ƀư rai phung ƀon lan gŭ tâm rlŭng Aven, Jêh ri nơm djôt mâng jra hađăch luh bơh Bet-Êđen; Bi ma phung ƀon lan Aram mra jêng bu nă ta n'gor bri Kir” Brah Yêhôva lah pônây.

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Amôt 8:14

Lĕ rngôch phung sơm ton ma brah n'gor Samari lah pô aơ: ‘Hơi Dan, tĭng nâm brah may gŭ rêh! Tĭng nâm bu brah Bêr-Sêba gŭ rêh!’ Lĕ rngôch khân păng mra cha lôt jêh ri mâu hôm dâk đŏng ôh.”

Mika 1:13

Hơi phung gŭ ta ƀon Lakis, Sŏk hom seh nchuăt gơnh kât ta ndeh! Tă bơh may yơh ntơm Ƀư ăn kon bu ur ƀon Siôn ƀư tih, Yorlah nau tih mhĭk ma phung Israel Hŏ saơ jêh tâm may.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Nahum 3:11

Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’

Nau Vay Nkah Tay 9:21

Gâp djôt ndơ tih khân may, jêng rup kon ndrôk, su ndơ nây tâm ŭnh, nchah lơi ăn hăch, kĭn lơi kŏ se jêng rnih nâm bu ndruyh jêh nây nkhŭt ndruyh nây tâm n'hor dak hoch tă bơh klơ yôk.

Nau Tâm Mpơl 6:16

Khân păng lah ma yôk jêh ri ma lŭ toyh pô aơ: “Tŭp hom ta hên jêh ri pôn hên bơh muh măt Nơm gŭ ta sưng hađăch jêh ri bơh nau ji nuih Kon Biăp;

Nau Tâm Mpơl 9:6

Tâm lĕ nar nĕ, bunuyh mra joi nau khĭt ƀiălah mâu dơi geh ôh; khân păng ŭch ngăn nau khĭt ƀiălah nau khĭt der ngai.