Ndrom Samƀŭt bơh Ôsê 10:6 - Nau Brah Ndu Ngơi 2023

⁶ Tâm ban lĕ păng bu mra djôt leo ma bri Asiri Nhhơr ma hađăch toyh bri dak aơ. Rnôk nây, Êphraim mra bêk prêng, Israel mra bêk ma nau plĕch rlăm khân păng nơm.

Ndrom Samƀŭt bơh Ôsê 10:6 Iomraidhean Croise

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

Ndrom Samƀŭt bơh Yôp 18:7

Lĕ nhuat hăn dŭt dăng păng jêng hươi jêh, Lĕ nau plĕch rlăm păng ƀư ma păng nkêng nkăng.

Êsai 1:29

Pôri may mra bêk yor ma tơm si Khân may rŏng; Jêh ri đit prêng yor ma ntŭk n'gar trao Khân may săch jêh.

Êsai 30:3

Yor nây, nau Pharaôn n'gang mra plơ̆ jêng nau bêk prêng ma khân may, Nau nde tâm dâng gui bri Êjipt mra ƀư bêk ma khân may.

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Yêrêmi 48:13

Phung Môap mra prêng yor ma ƀon Chêmôs, Nâm bu ngih Israel prêng Yor ma ƀon Bêthel ntŭk khân păng rnơm.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Êsêkiêl 16:28

Ay hŏ ƀư nau văng tĭr đah phung Asiri yorlah ay mâu hŏ mpay ôh. Pakơi ƀư tih văng tĭr đah khân păng, ay ê hŏ mpay ôh.

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Ndrom Samƀŭt bơh Ôsê 4:19

Sial hŏ rdu lơi khân păng tâm nting năr păng Jêh ri khân păng mra bêk prêng yorlah lĕ ndơ ƀư brah khân păng.”

Ndrom Samƀŭt bơh Ôsê 4:7

Khân păng lơ hâu bĭk rơ̆ Lơ hâu ƀư tih tâm rdâng đah Gâp âk lơn; Gâp mra tâm rgâl nau chrêk lơp khân păng jêng nau bêk prêng.

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.