Ndrom Samƀŭt bơh Ôsê 10:5 - Nau Brah Ndu Ngơi 2023

⁵ Phung gŭ tâm n'gor Samari mra krit klach Ăn lĕ ndrôk kon, Bêt-Aven Phung ƀon lan mra nhĭm nhhiăng ma păng, Phung kôranh ƀư brah ŭch ngăn ma păng ăt nhĭm nhhiăng Yorlah nau chrêk rmah păng hŏ du roh jêh.

Ndrom Samƀŭt bơh Ôsê 10:5 Iomraidhean Croise

II Phung Hađăch 10:29

Ƀiălah, Y-Jêhu mâu chalơi ôh nau tih Y-Jêrôbôam, kon bu klâu Y-Nêbat, jêng nau hŏ ƀư ma phung Israel ƀư tih. Y-Jêhu mâu ƀư rai ôh nau yơk mbah rup kon ndrôk mah ta Bêthel jêh ri ta ƀon Dan.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 23:5

Păng mprơh lơi phung kôranh ƀư brah nây, jêng lĕ phung hađăch Yuđa hŏ njêng jêh, gây ma su ndơ ƀâu kah ta klơ lĕ ntŭk prêh tâm lĕ rngôch ƀon tâm n'gor Yuđa jêh ri tâm ăp ntŭk jŭm ƀon Yêrusalem. Hađăch mprơh đŏng phung kôranh ƀư brah su ndơ ƀâu kah ma brah Baal, ma nar, ma khay, ma mănh, jêh ri ma lĕ rngôch mănh mbing.

II Nau Rêh Jêng 11:15

Y-Jêrôbôam njêng phung kôranh ƀư brah gay pah kan ma ntŭk prêh, ma lĕ rup be nkuăng jêh ri ndrôk kon păng hŏ ƀư jêh.

II Nau Rêh Jêng 13:8

Pôri aƀaơ, khân may mĭn phung tahan âk râk, geh ndrôk kon mah Y-Jêrôbôam hŏ tŏ jêh jêng brah ma khân may, khân may klăp lah dơi tâm rdâng đah ƀon bri hađăch Brah Yêhôva hŏ ăn jêh ma phung kon sau Y-Đavit lĕ?

Êsai 46:2

Khân păng prah sơmok jêh ri cha lôt, Mâu dơi tâm rklaih ndơ jâk ta klơ ndŭr kơi, Jêh ri khân păng nơm hăn du jêng bu nă.

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Ndrom Samƀŭt bơh Ôsê 5:8

Uh hom rlet ta Gibêa, Uh nŭng ta Rama! Ăn khân may dat kuăl ăn bu njrăng ta Bet-Aven! Hơi Benjamin, phung rlăng gŭ pakơi may!

Ndrom Samƀŭt bơh Ôsê 9:1

Hơi Israel, lơi ta răm rhơn ôh! Lơi maak ir ôh nâm bu phung mpôl băl êng. Yorlah may hŏ ƀư jêh nau ka n'hong, chalơi Brah Ndu may. May ŭch jêh ma nau prăk nkhôm du huê bu ur ka n'hong Ta lĕ rngôch ntŭk mprah ba.

Ndrom Samƀŭt bơh Ôsê 9:11

Nau chrêk rmah Êphraim mra mpăr du nâm bu sĭm; Mâu deh ôh, mâu ntreo lĕ, mâu hôm geh nau ntreo đŏng ôh!

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Kôranh Oh Mon 19:27

Pônây, mâu knŏng nau tăch drăp he roh nau bu yơk, jêh ri ngih brah bu ur brah toyh H'Dian geh nau bu mưch rmot; jêh nây nau dŭt toyh bu ur brah geh nau bu yơk tâm lam n'gor Asi jêh ri lam neh ntu mra rai yot tâm ban lĕ.”

Yôsuê 7:2

Tă bơh Yêrikô, Y-Yôsuê njuăl bunuyh hăn tât ma Ai dăch Bet-Aven, ta mpeh luh nar Bêthel, ntăm pô aơ: “Hăn n'hut uănh hom ƀon Ai.” Pônây, khân păng hăn n'hut uănh ƀon Ai.

Phung Kôranh Phat Dôih 18:24

Y-Mika plơ̆ lah: “Khân may ntŭng phung brah gâp hŏ ƀư ndrel kôranh ƀư brah, jêh ri leo hăn du. Moh ndơ hôm e ma gâp nơm? Mâm khân may hôm ôp đŏng ma gâp ‘moh ndơ ƀư?’”