Ndrom Samƀŭt bơh Ôsê 10:3 - Nau Brah Ndu Ngơi 2023

³ Aƀaơ khân păng mra lah: “He mâu geh ôh hađăch Yorlah he mâu klach yơk ma Brah Yêhôva, Ƀiălah tơlah geh hađăch, moh ndơ hađăch nây dơi ƀư ma he?”

Ndrom Samƀŭt bơh Ôsê 10:3 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

II Phung Hađăch 15:13

Tâm năm rơh pe jât ma sĭn rnôk rô̆ Y-Usia, hađăch Yuđa chiă uănh, geh Y-Salum, kon Y-Jabes, hao jêng hađăch jêh ri chiă uănh dôl du khay tâm ƀon Samari.

Nau Mprơ Ơm 118:9

Ueh lơn nde krap tâm Brah Yêhôva, Đah rnơm nsing ma phung kon hađăch.

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Ndrom Samƀŭt bơh Ôsê 10:15

Hơi phung Bêthel, Nây jêng nau bu mra ƀư ma khân may, Yorlah nau djơh mhĭk khân may toyh ngăn. Kêng ơm ôi, Hađăch Israel bu mra nkhĭt lơi.

Ndrom Samƀŭt bơh Ôsê 10:7

Hađăch Samari mra rai yot Nâm bu mpŭnh ta klơ mpiăt dak.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 13:10

Aƀaơ aơ ta ntŭk hađăch may? Gay ăn păng sâm rklaih may tâm lĕ rngôch ƀon toyh! Phung kôranh phat dôih jêng phung may kâp dơi geh pô aơ: “Ăn hom ma gâp du huê hađăch jêh ri phung kôranh!” Ta ntŭk khân păng?

Ndrom Samƀŭt bơh Ôsê 13:11

Tâm nau ji nuih, Gâp ăn jêh ma may du huê hađăch, Jêh ri tâm nau ji nuih, Gâp sŏk lơi.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Mika 4:9

Ƀiălah aƀaơ aơ mâm ƀư may nter nhĭm huy ngăn? Mâu geh hađăch gŭ ta nklang may ƀơh? Mâu lah bunuyh sâm nchră ma may lĕ khĭt jêh Yor ri may ji dŭt hâu ngăn nâm bu du huê bu ur ji deh?

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

I Samuel 12:25

Ƀiălah, tơlah khân may ăt ƀư nau mhĭk khân may jêh ri hađăch khân may mra rai lĕ.”