Ndrom Samƀŭt bơh Ôsê 10:2 - Nau Brah Ndu Ngơi 2023

² Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 10:2 Iomraidhean Croise

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Yêrêmi 43:13

Hađăch nây mra mbang nchah lơi lĕ n'gâng ƀư brah ta Bet-Sêmes, tâm bri Êjipt, jêh ri mra su ma ŭnh lĕ jây rhŏ brah ma lĕ brah n'gor bri Êjipt.’”

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Ndrom Samƀŭt bơh Ôsê 7:8

“Êphraim tâm pot lai đah phung ƀon lan êng; Êphraim jêng du glo ƀănh mâu rlơ̆.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Mika 5:13

Gâp mra rôk lơi gâng rup brah Asêrim bơh may, Jêh ri ƀư rai lĕ ƀon may.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Luka 16:13

Mâu geh du huê oh mon dơi pah kan ma bar hê kôranh, yorlah mra tâm rmot ma kôranh aơ, jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ma Brah Ndu, nđâp pah kan ma prăk ndô ndơ ôh.”

Yakơ 1:8

yorlah nây jêng du huê bunuyh geh nuih n'hâm bar, mâu geh nâp ôh tâm lĕ trong păng.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

I Yôhan 2:15

Lơi rŏng ma neh ntu ôh ndrel ma lĕ ndơ tâm neh ntu. Tơlah du huê rŏng ma neh ntu nau Brah Ndu Mbơ̆ rŏng mâu gŭ tâm păng ôh.

I Samuel 5:4

Ang ôi taơ, khân păng kah rngăl ơm ôi đŏng, jêh ri saơ Dagôn cha lôt tay nkŭp muh măt ta neh panăp Hip Nau Tâm Rnglăp Brah Yêhôva, bôk jêh ri lĕ bar mlâm ti tŭp da dê ta klơ kađar lăp mpông sâng, knŏng hôm săk păng dơm hôm e.