Ndrom Samƀŭt bơh Ôsê 10:1 - Nau Brah Ndu Ngơi 2023

¹ Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Ndrom Samƀŭt bơh Ôsê 10:1 Iomraidhean Croise

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

Yêrêmi 11:13

Yorlah, hơi phung Yuđa, ndah âk ƀon khân may geh ăt geh âk brah kơt nây lĕ! Ndah âk Yêrusalem geh trong toyh ăt khân may ndâk âk kơt nây lĕ nơng ƀư brah ăn brah di ma nau prêng, jêng lĕ nơng ƀư brah nhhơr ndơ ƀâu kah ăn brah Baal!’

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 2:28

Pôri ntŭk phung brah khân may ndâk êng, Lĕ rngôch ntŭk gŭ? Tơlah khân păng dơi rklaih khân may tâm nôk rêh ni Pôri ăn khân păng tât sâm rklaih hom! Yorlah hơi Yuđa, ndah âk ƀon may geh Pôri ăt geh âk brah ri yơh!

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 12:8

Jêng bunuyh tăch drăp, păng djôt tâm ti păng njing nau ndơm, Păng rŏng tŭn jot.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 2:10

Rnôk nây Gâp mra tâm mpơl nau bêk prêng păng Tanăp măt phung rŏng păng, Jêh ri mâu geh bunuyh dơi tâm rklaih păng bơh ti Gâp.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Ndrom Samƀŭt bơh Ôsê 4:7

Khân păng lơ hâu bĭk rơ̆ Lơ hâu ƀư tih tâm rdâng đah Gâp âk lơn; Gâp mra tâm rgâl nau chrêk lơp khân păng jêng nau bêk prêng.

Ndrom Samƀŭt bơh Ôsê 8:11

Dôl Êphraim lơ hâu ntop âk nơng ƀư brah gay chuai nau tih Pôri lĕ nơng ƀư brah nây lơ hâu ntŭp păng tâm nau tih.

Ndrom Samƀŭt bơh Ôsê 8:4

Khân păng hŏ njêng hađăch mâu geh tă bơh Gâp, Săch phung kôranh chiă uănh ƀiălah Gâp mâu gĭt ôh. Khân păng sŏk prăk mah khân păng ƀư rup brah Gay ma bu ƀư rai khân păng.

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Nahum 2:2

Yorlah Brah Yêhôva mra njêng tay nau chrêk ma lơp ma Yakôb Nâm bu nau chrêk ma lơp Israel, Nđâp tơlah phung sŏk pit hŏ sŏk pit jêh khân păng, Jêh ri lơh rai lĕ n'gĭng tơm krăk ƀâu khân păng.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Philip 2:21

Lĕ rngôch knŏng mĭn rvê ma nau khlay êng khân păng nơm, mâu di mĭn rvê ma nau khlay Brah Yêsu Krist ôh.