Ndrom Samƀŭt bơh Ôsê 1:7 - Nau Brah Ndu Ngơi 2023

⁷ Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Ndrom Samƀŭt bơh Ôsê 1:7 Iomraidhean Croise

II Phung Hađăch 19:29

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng; năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

II Phung Hađăch 6:18

Nôk phung tahan Aram n'hoch trŭnh rlet ma ntŭk Y-Êlisê, păng mbơh sơm ma Brah Yêhôva pô aơ: “Dăn ma Kôranh Brah ƀư ăn ma phung tahan aơ ma nau chieh măt.” Păng ƀư ăn phung nây ma nau chieh măt tĭng nâm nau Y-Êlisê mbơh sơm.

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 44:7

Ƀiălah May hŏ tâm rklaih jêh hên bơh phung rlăng, Ƀư ma phung tâm rmot ma hên geh nau bêk prêng.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Ngluh Êjipt 14:30

Tâm nar nây, Brah Yêhôva rklaih phung Israel bơh ti phung Êjipt, khăn păng saơ phung Êjipt ih săk jăn khĭt ta kơh dak mƀŭt.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 25:6

Lơi tĭng phung brah êng ôh ŭch pah kan jêh ri yơk mbah ma khân păng; lơi ta nsônh nuih Gâp ôh sŏk ma kan ti khân may ƀư, ri mơ Gâp mâu mra ƀư mhĭk ôh ma khân may.’

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Ndrom Samƀŭt bơh Ôsê 1:8

Tơlah H'Lô-Ruhama, lĕ chalơi pu jêh, H'Gômer ntreo tay jêh ri deh du huê kon bu klâu.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

I Samuel 17:47

jêh ri lĕ rngôch phung tâm rƀŭn aơ mra saơ Brah Yêhôva mâu tâm rklaih ma đao, mâu lah tak ôh. Yor Brah Yêhôva jêng Kôranh Brah nau tâm lơh, Păng mra jao khân may tâm ti hên.”