Ndrom Samƀŭt bơh Ôsê 1:2 - Nau Brah Ndu Ngơi 2023

² Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 1:2 Iomraidhean Croise

II Nau Rêh Jêng 21:13

ƀiălah may hŏ hăn tĭng trong phung hađăch Israel, ƀư ăn phung Yuđa jêh ri phung gŭ tâm ƀon Yêrusalem yơk mbah rup brah nâm bu ngih Y-Ahap hŏ ƀư. Rlau lơn ma nĕ, may hŏ nkhĭt jêh phung oh nâu may bơh ngih mbơ̆ may, jêng phung ueh lơn ma may.

Nau Mprơ Ơm 106:39

Nâm pônây, khân păng ƀơ̆ ƀơch yor kan khân păng, Jêh ri ƀư tih văng tĭr ma nau khân păng pah.

Nau Mprơ Ơm 73:27

Yorlah ri phung gŭ ngai đah May mra rai yot; May ƀư rai phung ƀư tih mâu răp jăp, chalơi May

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 3:9

Yorlah uănh mâu tih ôh nau păng văng tir yor nây păng ƀư ƀơ̆ ƀơch êng păng nơm ndrel ma neh aơ, văng tĭr đah lŭ jêh ri tơm si.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Ndrom Samƀŭt bơh Ôsê 2:7

Păng mra hăn tĭng phung rŏng păng ƀiălah mâu ban, Joi ƀiălah mâu mâp khân păng. Rnôk nây, păng lah êng: ‘Gâp mra plơ̆ sĭt ma sai saơm, Yorlah nôk nây gâp jêng ueh lơn ma aƀaơ aơ.’

Ndrom Samƀŭt bơh Ôsê 3:1

Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

Ndrom Samƀŭt bơh Ôsê 5:3

Gâp gĭt ngăn Êphraim, Jêh ri Israel mâu dơi ndâp ôh đah Gâp; Hơi Êphraim, may hŏ jêng bu ur ka n'hong! Bi Israel lĕ ƀơ̆ ƀơch jêh!

Markôs 1:1

Nau ntơm ma Nau Mhe Mhan Ueh ma Brah Yêsu Krist, Kon Brah Ndu.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

II Pêtrôs 2:14

bar măt khân păng prăp bêng ma nau mĭn văng tĭr, ƀư tih mâu blau dĭl ôh. Khân păng ndơm phung mâu nâp; nau mĭn nuih n'hâm khân păng mơng kơnh rlau ir. Khân păng jêng phung kon khư ma nau rtăp rak!

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”