Ndrom Samƀŭt bơh Agê 2:9 - Nau Brah Ndu Ngơi 2023

⁹ Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Ndrom Samƀŭt bơh Agê 2:9 Iomraidhean Croise

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Mika 5:5

Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.

Ndrom Samƀŭt bơh Agê 1:8

Hăn hao hom klơ yôk djôt nsĭt tơm si jêh ri ndâk ngih brah, gay ma Gâp geh nau maak nuih n'hâm ma păng jêh ri Gâp mra geh nau tâm rnê,’ Brah Yêhôva lah pônây.

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Yakơ 2:1

Hơi phung oh nâu gâp, khân may chroh jêh ma Brah Yêsu Krist, Kôranh Brah he geh nau chrêk rmah, lơi gŭ du ding ôh.