Ndrom Samƀŭt bơh Agê 2:7 - Nau Brah Ndu Ngơi 2023

⁷ Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Ndrom Samƀŭt bơh Agê 2:7 Iomraidhean Croise

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

I Phung Hađăch 8:10

Dôl phung kôranh ƀư brah mhe luh bơh Ntŭk Kloh Ueh, geh ndâr tŭk nkŭm bêng ngih Brah Yêhôva,

I Phung Hađăch 8:11

kŏ tât yor ndâr tŭk nây phung kôranh ƀư brah mâu dơi dâk ôh gay pah kan nhhơr, yorlah nau chrêk rmah Brah Yêhôva lĕ bêng ma ngih Brah Yêhôva.

II Nau Rêh Jêng 5:14

kŏ tât phung kôranh ƀư brah mâu dơi dâk pah kan ôh ta nây, yorlah nau chrêk rmah Brah Yêhôva lĕ bêng ma ngih Brah Ndu.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Êsai 60:7

Lĕ rngôch phung mpô mpa rong bơh bri Kêdar mra tâm rƀŭn ta may, Lĕ rngôch biăp nkuăng bơh bri Nêbajôt mra dơi dŏng ƀư ndơ ƀư brah. Gay ma may nhhơr ta nơng ƀư brah Gâp, du ndơ ƀư brah ueh nuih n'hâm Gâp; Jêh ri Gâp mra ƀư ma ngih chrêk rmah Gâp lơ hâu ntop nau chrêk rmah.

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 31:16

Gâp ƀư ma phung ntil mpôl bunuyh râm nsâr tăng nteh păng rlâm rai, tơlah Gâp klŭp mƀăr păng ma ƀon phung khĭt ndrel ma phung jŭr tâm ntu jru! Rnôk nây, lĕ rngôch tơm si n'gar Êđen, lĕ rngôch tơm si ueh ngăn, Liban săch jêh, lĕ rngôch tơm si saơm dơi geh âk dak djrah, dơi geh nau bonh leng da dê ta ntu jru tâm dâng neh.

Êsêkiêl 38:19

Tâm nau ntôn jêh ri nau ji nuih, Gâp ngơi pô aơ: N'hêl nanê̆ tâm nar nây mra geh nau n'găr neh ntu toyh geh tât ta n'gor bri Israel.

Êsêkiêl 44:4

Jêh nây păng leo gâp tât panăp ngih brah ta mpông pêr mpeh pa lơ. Gâp uănh treng, aơ, nau chrêk ma lơp Brah Yêhôva bêng ngih Brah Yêhôva, jêh ri gâp păn muh măt ta neh.

Ndrom Samƀŭt bơh Agê 1:8

Hăn hao hom klơ yôk djôt nsĭt tơm si jêh ri ndâk ngih brah, gay ma Gâp geh nau maak nuih n'hâm ma păng jêh ri Gâp mra geh nau tâm rnê,’ Brah Yêhôva lah pônây.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Luka 19:47

Păng nti lah ăp nar tâm ngih brah. Phung kôranh ƀư brah toyh, phung kôranh nchih samƀŭt jêh ri phung kôranh chiă uănh tâm phung ƀon lan joi nau nkhĭt Păng,

Luka 2:27

Brah Huêng Ueh ntrôl ntrŭt, păng hăn ta ngih brah di nôk mbơ̆ mê̆ njŭn leo kon se jê̆ jêng Yêsu văch gay ƀư lĕ nau tĭng nâm nau vay Păng.

Luka 2:46

Pakơi pe nar, khân păng saơ Păng tâm ngih Brah dôl gŭ ta nklang phung kôranh nti phung Yuđa, Păng iăt ƀă ôp ƀă.

Luka 20:1

Du nar, dôl Brah Yêsu ntĭm nti ma phung ƀon lan tâm ngih brah jêh ri mbơh nkoch Nau Mhe Mhan Ueh, phung kôranh ƀư brah toyh, phung kôranh nchih samƀŭt jêh ri phung bu ranh văch

Luka 21:38

Ơm ôi, phung ƀon lan văch ta Păng tâm ngih brah gay iăt nau Păng nti lah.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Galati 3:8

Nau Brah Ndu Ngơi hŏ saơ lor pô aơ Brah Ndu mra kơp phung bu năch jêng sŏng srăng yor ma nau chroh, pôri hŏ nkoch mbơh lor jêh ma Y-Abraham Nau Mhe Mhan Ueh aơ: “Lĕ rngôch mpôl băl bunuyh mra geh nau ueh uĭn tă bơh may.”

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh