Ndrom Samƀŭt bơh Agê 2:5 - Nau Brah Ndu Ngơi 2023

⁵ ‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

Ndrom Samƀŭt bơh Agê 2:5 Iomraidhean Croise

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nau Ngluh Êjipt 24:8

Y-Môis sŏk mham djrah ta klơ phung ƀon lan jêh ri lah: “Aơ jêng mham nau tâm rnglăp Brah Yêhôva hŏ ƀư jêh đah khân may tĭng nâm lĕ nau ngơi aơ.”

Nau Ngluh Êjipt 34:10

Brah Yêhôva ngơi: “Aơ, Gâp ƀư du nau tâm rnglăp tanăp lĕ rngôch phung ƀon lan may lĕ kan khlay hâu ngăn, lĕ nau kan ê hŏ mâp ƀư tâm neh ntu mâu lah tâm du bri dak. Lĕ rngôch ntil mpôl bunuyh gŭ jŭm may mra saơ nau kan bơh Brah Yêhôva, yorlah Gâp bơi ƀư du nau kan ma may jêng du nau klach krit ngăn.

Nau Ngluh Êjipt 34:8

Y-Môis kŭnh ndal bôk ta neh jêh ri yơk mbah.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Sakari 8:15

“pôri nar aơ tâm ban lĕ, Gâp hŏ mĭn tay ăn nau ueh yô̆ ma ƀon Yêrusalem jêh ri ma ngih Yuđa. Khân may lơi ta klach ôh!

Mathay 28:5

Ƀiălah tông mpăr lah ma phung bu ur nây: “Lơi klach ôh, yorlah gâp gĭt khân ay joi Brah Yêsu, Nơm bu pâng kđĭn ta si tâm rkăng.

Kôranh Oh Mon 27:24

‘Hơi Y-Pôl lơi klach ôh! May mra hăn tât tanăp Sêsar; jêh ri aơ, Brah Ndu hŏ ăn ma may lĕ rngôch phung ncho kumpăn ndrel ma may.’

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 8:1

Jêh nau nây, Brah Yêhôva lah ma Y-Yôsuê: “Lơi klach, mâu lĕ rdja nuih n'hâm! Djôt leo hom lĕ rngôch phung tahan hăn tĭng may, dâk hom jêh ri hăn hao gay lơh ƀon Ai. Aơ, Gâp jao jêh hađăch ƀon Ai, phung ƀon lan păng, ƀon păng, jêh ri neh păng tâm ti may.

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,

I Samuel 12:20

Y-Samuel plơ̆ lah ma phung ƀon lan: “Lơi klach ôh! Ngăn, khân may lĕ ƀư jêh lĕ rngôch nau mhĭk aơ; ƀiălah, khân may lơi chalơi ôh Brah Yêhôva, ƀiălah ăn lĕ nuih n'hâm pah kan ma Păng,