Ndrom Samƀŭt bơh Agê 2:4 - Nau Brah Ndu Ngơi 2023

⁴ Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Ndrom Samƀŭt bơh Agê 2:4 Iomraidhean Croise

II Samuel 5:10

Y-Đavit lơ nar lơ janh ktang, yorlah Brah Yêhôva jêng Brah Ndu ma phung tahan gŭ ndrel ma păng.

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Êsra 5:2

Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Markôs 16:20

Phung oh mon luh hăn mbơh nkoch lam ntŭk; Kôranh Brah pah kan ndrel ma khân păng jêh ri ăn lĕ nau mbên khlay tĭng groi gay ƀư ăn nâp nau chroh.]

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”