Ndrom Samƀŭt bơh Agê 2:3 - Nau Brah Ndu Ngơi 2023

³ ‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Ndrom Samƀŭt bơh Agê 2:3 Iomraidhean Croise

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Êsra 3:12

Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Êsai 64:10

Lĕ rngôch ƀon kloh ueh May hŏ jêng bri rdah, Siôn ăt jêng bri rdah, Yêrusalem jêng ntŭk rngot njăp.

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”