Ndrom Samƀŭt bơh Agê 2:23 - Nau Brah Ndu Ngơi 2023

²³ Brah Yêhôva ma phung tahan lah: “Hơi Y-Sôrôƀaƀel, kon bu klâu Y-Sêaltiêl, tâm nar nây, Gâp mra săch may ƀư oh mon Gâp!” Brah Yêhôva lah: “Gâp mra dơm may nâm bu ndơ tâp pŏng, yorlah Gâp hŏ săch jêh may.” Brah Yêhôva ma phung tahan lah pônây.

Ndrom Samƀŭt bơh Agê 2:23 Iomraidhean Croise

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Mprơ Ueh 8:6

Dăn n'gân gâp nâm bu ndơ tâp pŏng tâm play nuih may, Nâm bu ndơ tâp pŏng ta klơ tur ti may; Yorlah nau rŏng ŭch ngăn ktang nâm bu nau khĭt, Nuih n'hâm ntôn ktang ngăn nâm bu ƀon phung khĭt. Ŭnh nau rŏng hit n'gă ang, Nâm bu mpiăt ŭnh Brah Yêhôva.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 49:16

Aơ, Gâp nchih jêh may ta mpang ti Gâp; Lĕ mpêr ƀon toyh may hôm ƀaƀơ tanăp măt Gâp.

Yêrêmi 22:24

Brah Yêhôva lah: “Nâm bu Gâp gŭ rêh mro mrăng, nđâp lah Y-Jêhôjakin, kon bu klâu Y-Jêhôjakim, hađăch Yuđa, jêng rgên chrăk ta ti ma Gâp, Gâp ăt doh lơi may.

Mathay 12:18

“Aơ jêng oh mon Gâp săch jêh, Nơm Gâp rŏng ngăn ngên, tâm Păng Gâp geh nau maak ngăn. Gâp mra ăn Brah Huêng Ueh Gâp gŭ ta Păng, Păng mra nkoch mbơh nau di ma phung bu năch.

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

I Pêtrôs 2:4

Văch dăch hom ta Păng jêng lŭ rêh, kon bunuyh mƀăr lơi jêh, ƀiălah Brah Ndu săch jêh ri jêng geh nau khlay ngăn.