Ndrom Samƀŭt bơh Agê 2:2 - Nau Brah Ndu Ngơi 2023

² “Ôp hom ma kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm e klen, pô aơ:

Ndrom Samƀŭt bơh Agê 2:2 Iomraidhean Croise

Êsra 1:8

Y-Sirus, hađăch Persi, mbơh ma Y-Mirêdat, kôranh djôt prăk, sŏk lĕ rngôch ndơ dŏng nây, kơp jêh ri jao ma Y-Sêsbasar, kôranh mât uănh phung Yuđa.

Êsra 2:63

Kôranh mât uănh buay ma khân păng mâu dơi sa ôh ndơ dŭt kloh ueh, kŏ tât ndah nâm jŏ geh kôranh ƀư brah sŏk Urim jêh ri Thumim gay ôp Brah Ndu.

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.