Ndrom Samƀŭt bơh Agê 2:19 - Nau Brah Ndu Ngơi 2023

¹⁹ Khân may hôm e đŏng ntil găr tâm jay prăp? Kŏ tât aƀaơ aơ, tơm krăk ƀâu, tơm rvi, tơm pom gra nat, tơm ôlive, tâm ban lĕ mâu geh ôh luh play. Ƀiălah ntơm bơh nar aơ, Gâp mra ăn nau ueh uĭn ma khân may.’ ”

Ndrom Samƀŭt bơh Agê 2:19 Iomraidhean Croise

Nau Ntơm 26:12

Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng.

Ndrom Samƀŭt bơh Yôp 39:12

Ndrôk bri ŭch pah kan ma may lĕ, Mâu lah ŭch kuen bê̆ch du măng tâm hip gơ̆ may lĕ?

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 31:14

Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Yôel 1:12

Tơm krăk ƀâu huănh kro, tơm rvi roh rai; Nđâp tơm pom gra nat, tơm đung, tơm pôm, Jêh ri lĕ rngôch tơm si tâm mir huănh kro da dê; Nau răm maak kon bunuyh huănh roh tâm ban lĕ!

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Ndrom Samƀŭt bơh Agê 1:11

Gâp hŏ kuăl nau prăng phang tât ta neh, ma phung yôk, ma găr ntil, ma dak ndrănh mhe, ma dak ngi, ma kao play chăt hon tă bơh neh, tât ma bunuyh, ma mpa rong, jêh ri ma lĕ rngôch kan ƀư bơh ti khân may.’”

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Nau Vay Nkah Tay 15:10

Ăn khân may geh nuih n'hâm kơl khân păng, lơi ta ƀư ôh nuih n'hâm jâk, yorlah bơh nau nây Yêhôva Brah Ndu khân may mra ăn nau ueh uĭn ma lĕ nau kan khân may pah jêh ri tâm lĕ rngôch nau ti khân may ƀư.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.