Ndrom Samƀŭt bơh Agê 2:17 - Nau Brah Ndu Ngơi 2023

¹⁷ Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Ndrom Samƀŭt bơh Agê 2:17 Iomraidhean Croise

Nau Ntơm 42:23

Khân păng mâu gĭt ôh Y-Yôsep gĭt vât nau khân păng ngơi, yorlah păng geh du huê bunuyh rblang.

Nau Ntơm 42:27

Tât ntŭk khân păng veh bê̆ch, du huê tâm phung khân păng pơk ƀau gay sŏk ba ăn ma seh bri păng sa, păng saơ prăk tâm bâr ƀau păng.

Nau Ntơm 42:6

Aƀaơ Y-Yôsep jêng kôranh chiă uănh Êjipt; păng jêng nơm tăch ba ma lĕ rngôch bunuyh ƀon lan tâm n'gor. Phung nâu Y-Yôsep hăn tât chon mon tanăp măt păng.

I Phung Hađăch 8:37

Tơlah tâm n'gor bri geh nau ji ngot, nau ji tưp, mâu lah prăng phang, hon sêt-o, krah ndrach, krah nsăt, mâu lah geh phung rlăng nchueng jŭm lĕ mpông ƀon khân păng gŭ, mâu lah ăp nau mhĭk, nau ji;

II Nau Rêh Jêng 28:22

Tâm nau rêh ni, hađăch Ahas lơ ƀư tih lơn đah Brah Yêhôva;

II Nau Rêh Jêng 6:28

Tơlah tâm n'gor geh nau ji ngot, nau ji tưp, prăng phang, hon sêt-o, krah ndrach mâu lah krah nsăt, mâu lah tơlah phung rlăng nchueng jŭm lĕ mpông ƀon tâm n'gor bri khân păng gŭ, mâu lah geh ăp nau mhĭk mâu lah nau ji,

Ndrom Samƀŭt bơh Yôp 36:13

Nuih n'hâm phung mâu chroh rŏng ma nau ji nuih; Lah geh Păng kât se rvăk mâu đŏng nter gay ăn bu kơl an.

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Mprơ Ơm 78:46

Păng ăn kao play khân păng ma krah ndrach, Ăn ndô ndơ khân păng ma krah.

Êsai 28:2

Aơ, bơh ntŭk Kôranh Brah geh du huê nơm ktang jêh ri geh nau dơi, Nâm bu mih tŭp pler, phŭt chuănh ƀư rai, Tâm ban ma dak toyh pling ntôr, dak lip lam ntŭk; Păng mra dong ti klŭp păng ta neh.

Êsai 37:27

Phung ƀon lan gŭ tâm lĕ ƀon nây mâu hôm geh nau ktang ôh, Klach krit jêh ri bêk prêng; Khân păng jêng nâm bu tơm si gơ̆ rêp tâm mir, Nâm bu gơ̆ ndrêh, Nâm bu gơ̆ nse hon ta klơ chor ngih, Nâm bu lôk mir êlor ma ba ƀlê hon.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 3:24

Ntơm bơh hên hôm mom ndăm, Brah khư ma nau bêk prêng hŏ rvăn lĕ kan chô yau hên, Phung biăp, phung ndrôk, Phung kon bu klâu, kon bu ur khân păng.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Ndrom Samƀŭt bơh Agê 1:11

Gâp hŏ kuăl nau prăng phang tât ta neh, ma phung yôk, ma găr ntil, ma dak ndrănh mhe, ma dak ngi, ma kao play chăt hon tă bơh neh, tât ma bunuyh, ma mpa rong, jêh ri ma lĕ rngôch kan ƀư bơh ti khân may.’”

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Ndrom Samƀŭt bơh Agê 1:9

‘Khân may gŭ kâp mĭn geh âk ƀiălah geh djê̆; moh ndơ khân may djôt lăp ta ngih pôri Gâp hŏ khôm jêh leo klơ. Mâm ƀư nau nây?’ Brah Yêhôva ma phung tahan lah: ‘Nây jêng yor ngih Gâp hôm e rlâm rai, ƀiălah ăp nơm khân may pah kan rvê mĭn ŭch ndâk ngih êng ma khân may nơm.

Ndrom Samƀŭt bơh Agê 2:16

pôri mâm ƀư tâm rnôk nây? Lah bu tât ndrel ta du mbŭch ba tâm di bar jât ndơ nhueh, geh knŏng jât dơm; jêh ri lah bu văch ndrel tât ta drŏng păt ndrănh tâm di prăm jât ndơ nhueh geh knŏng bar jât.

Malachi 3:11

Yor khân may, Gâp mra buay lơi ma phung mpa sa ƀư rai kao play tă bơh neh khân may; jêh ri tơm krăk ƀâu khân may tâm mir mâu hôm ăn rŭng đŏng ôh play tât yan păng.” Brah Yêhôva ma phung tahan lah pônây.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.