Ndrom Samƀŭt bơh Agê 1:9 - Nau Brah Ndu Ngơi 2023

⁹ ‘Khân may gŭ kâp mĭn geh âk ƀiălah geh djê̆; moh ndơ khân may djôt lăp ta ngih pôri Gâp hŏ khôm jêh leo klơ. Mâm ƀư nau nây?’ Brah Yêhôva ma phung tahan lah: ‘Nây jêng yor ngih Gâp hôm e rlâm rai, ƀiălah ăp nơm khân may pah kan rvê mĭn ŭch ndâk ngih êng ma khân may nơm.

Ndrom Samƀŭt bơh Agê 1:9 Iomraidhean Croise

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

II Samuel 22:16

Yor tă bơh nau Brah Yêhôva nduyh Jêh ri yor n'hâm nsôr luh tă bơh trôm muh Păng, Blat dak mƀŭt mpơl jêh, Mbon neh ntu lĕ mpơl đŏng.

II Phung Hađăch 19:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng.’”

Ndrom Samƀŭt bơh Yôp 10:2

Gâp mra lah ma Brah Ndu: ‘Lơi ta rmal gâp, Dăn ăn gâp gĭt mâm nau May kơp gâp jêng tih.

Nau Hôr 11:24

Geh bunuyh pă ăn bu drăp ndơ păng nơm, lơ ntop geh âk lơn đŏng; Geh đŏng bunuyh mbeh krêp ir, ƀiălah knŏng geh nau pưt kƀah.

Nau Hôr 27:20

Găr măt kon bunuyh mâu blau dĭl, Nâm bu ƀon phung khĭt jêh ri brŏng jru mâu blau bêng.

Nơm Nti 1:8

Lĕ rngôch ndơ hŏt rgănh da dê, Kon bunuyh mâu dơi nkoch lĕ ôh; Măt uănh mro ăt mâu mpay, Tôr iăt mro ăt mâu geh nau khlay lĕ.

Êsai 40:7

Gơ̆ kro, kao rŭng, Yorlah n'hâm Brah Yêhôva khôm ta klơ păng. Nanê̆, kon bunuyh knŏng jêng gơ̆:

Êsai 5:10

Du đang krăk ƀâu klăp lah puăn hectar Geh knŏng bar jât ma bar lit ndrănh krăk ƀâu; Bar rhiăng bar jât lit găr ntil Geh knŏng bar jât ma bar lit ba.”

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Kan Lêvi 19:25

Tât ta năm tal prăm khân may ăt hôm dơi sa play tơm si nây. Tơlah khân may djôt prăp nau Gâp nti, play kao nây mra bĭk rơ̆ ma khân may. Gâp jêng Yêhôva Brah Ndu khân may.

Ndrom Samƀŭt bơh Agê 1:4

“Aƀaơ di lĕ jêng nôk khân may gŭ tâm trôm ngih ndop klơ ma kađar, dôl ngih aơ hôm e rlâm rai?

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Nau Vay Nkah Tay 28:38

Khân may mra tuch dŭt âk ntil ta mir ƀiălah roih rek dŭt djê̆, yorlah krah sa lĕ jêh.

Nau Tâm Mpơl 2:4

Ƀiălah nau Gâp nduyh may, nây jêng nau may chalơi jêh nuih n'hâm yơk rŏng ntơm saơm.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!