Ndrom Samƀŭt bơh Agê 1:6 - Nau Brah Ndu Ngơi 2023

⁶ Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Ndrom Samƀŭt bơh Agê 1:6 Iomraidhean Croise

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

I Phung Hađăch 17:12

Bu ur ndrô plơ̆ lah: “Gâp sŏk amoh Yêhôva Brah Ndu may gŭ rêh mro mrăng gay sơm ton, gâp mâu geh piăng let ôh, knŏng hôm e du mbăt rnih môi tâm yăng jêh ri hôm djê̆ lê̆ dak ngi ôlive tâm nông. Aơ, gâp dônh bar n'gĭng long, jêh nây nkra ndơ nây ma gâp jêh ri ma kon bu klâu gâp; lah sa lôch jêh, hên mra khĭt.”

Nêhêmi 5:2

Geh phung bunuyh lah pô aơ: “Hên geh âk râk phung kon bu klâu, kon bu ur hên; jêh ri ăn ma hên geh ba ƀlê gay ma hên dơi sông sa jêh ri gŭ rêh!”

Ndrom Samƀŭt bơh Yôp 20:22

Dôl nôk rmeh ler păng geh nau rêh ni; Lĕ nau rêh ni văch tât tâm păng.

Ndrom Samƀŭt bơh Yôp 20:28

Drăp ndơ rnăk vâl păng bu mra sŏk pit lĕ, Mra nchuăn rdu ndơ nây ta nar Kôranh Brah ji nuih.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Hôr 11:24

Geh bunuyh pă ăn bu drăp ndơ păng nơm, lơ ntop geh âk lơn đŏng; Geh đŏng bunuyh mbeh krêp ir, ƀiălah knŏng geh nau pưt kƀah.

Êsai 5:10

Du đang krăk ƀâu klăp lah puăn hectar Geh knŏng bar jât ma bar lit ndrănh krăk ƀâu; Bar rhiăng bar jât lit găr ntil Geh knŏng bar jât ma bar lit ba.”

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Yêrêmi 14:4

Klơ neh đang jêh, Yorlah mâu geh dak mih tŭp ta neh, Lĕ phung ƀư mir bêk prêng, Nkŭm lơi bôk.

Yêrêmi 44:18

Ƀiălah, ntơm bơh hên rlu nhhơr ndơ ƀâu kah jêh ri mâu ƀư ndơ nhhơr nhêt ăn ma hađăch bu ur tâm trôk, hên pưt kƀah ăp ntil ndơ jêh ri bu nkhĭt lĕ ma tak đao jêh ri nau sa sât ji ngot.

Ndrom Samƀŭt bơh Ôsê 4:10

Khân păng mra sông sa ƀiălah mâu hơm ôh, Khân păng ƀư nau văng tĭr ƀiălah mâu bĭk rơ̆ lĕ; Yorlah khân păng lĕ chalơi jêh Brah Yêhôva, Hăn tĭng phung brah êng.

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Kan Lêvi 26:20

n'hâm suan khân may mra roh dơm dam, neh tâm n'gor khân may mâu deh kao play ôh, tơm si mâu geh play.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Ndrom Samƀŭt bơh Agê 1:10

Yor ri, yorlah khân may dĭng trôk kân tay dak tŭk, jêh ri neh ntu kân tay play do đŏng.

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Ndrom Samƀŭt bơh Agê 1:7

Brah Yêhôva ma phung tahan lah: ‘Mêt uănh hom trong khân may ŭch ƀư.

Ndrom Samƀŭt bơh Agê 1:9

‘Khân may gŭ kâp mĭn geh âk ƀiălah geh djê̆; moh ndơ khân may djôt lăp ta ngih pôri Gâp hŏ khôm jêh leo klơ. Mâm ƀư nau nây?’ Brah Yêhôva ma phung tahan lah: ‘Nây jêng yor ngih Gâp hôm e rlâm rai, ƀiălah ăp nơm khân may pah kan rvê mĭn ŭch ndâk ngih êng ma khân may nơm.

Ndrom Samƀŭt bơh Agê 2:16

pôri mâm ƀư tâm rnôk nây? Lah bu tât ndrel ta du mbŭch ba tâm di bar jât ndơ nhueh, geh knŏng jât dơm; jêh ri lah bu văch ndrel tât ta drŏng păt ndrănh tâm di prăm jât ndơ nhueh geh knŏng bar jât.

Ndrom Samƀŭt bơh Agê 2:17

Brah Yêhôva lah: ‘Gâp hŏ dŏng jêh prăng phang, ek găm, mih tŭp pler tâm rmal khân may tâm lĕ rngôch kan ti khân may ƀư, ƀiălah khân may mâu geh ôh bunuyh plơ̆ sĭt tay ma Gâp.

Sakari 5:4

Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Sakari 8:10

Yorlah lor panăp nar nây mâu geh ôh nau prăk nkhôm ma phung pah kan nđâp ma mpô mpa; yor ma phung rlăng hôm ŭch tâm rdâng, bunuyh nsong luh lăp mâu geh ôh đăp mpăn, yorlah Gâp hŏ ăn lĕ rngôch bunuyh tâm rdâng đah phung chiau meng păng.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Nau Vay Nkah Tay 28:17

Bĭ jêh ri thŭng piăch rnih khân may mra geh nau rak rtăp da dê.