Ndrom Samƀŭt bơh Agê 1:5 - Nau Brah Ndu Ngơi 2023

⁵ Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Ndrom Samƀŭt bơh Agê 1:5 Iomraidhean Croise

Nau Mprơ Ơm 48:13

Uănh nanê̆ lĕ mpêr ƀon, Sek uănh lĕ ngih hađăch păng, Gay ma khân may nkoch tay rnôk kăndơ̆

Nau Ngluh Êjipt 7:23

Pharaôn plơ̆ sĭt ta ngih hađăch, păng mâu chrê ôh ma nau nây.

Nau Ngluh Êjipt 9:21

bi mbu moh mâu mĭng ôh ma nau Brah Yêhôva ngơi sŏl ko ăn phung dĭk jêh ri mpô mpa khân păng gŭ tâm mir.

Nau Nhĭm Vơl 3:40

Ăn he sek uănh tay hom trong he nơm, Jêh ri plơ̆ sĭt ma Brah Yêhôva.

Êsêkiêl 18:28

Yorlah păng gĭt mĭn rvê jêh ri chalơi lĕ rngôch nau tih păng hŏ ƀư jêh n'hêl nanê̆ păng mra rêh, mâu khĭt ôh.

Êsêkiêl 40:4

Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Daniel 10:12

Păng lah ma gâp: “Ơ Y-Daniel, lơi klach ôh. Ntơm bơh nar nôk lor lơn, may geh nuih n'hâm ŭch gĭt rbăng jêh ri ntrŭnh êng may nơm tanăp Brah Ndu may, pôri Păng tăng lĕ nau may ngơi, jêh ri gâp văch jêh yor nau may ngơi nây.

Daniel 6:14

Tơlah tăng nau nây hađăch ji nuih n'hâm ngăn jêh ri joi trong gay ma tâm rklaih Y-Daniel. Kŏ tât nar nhâp hađăch ăt hôm gŭ joi trong tâm rklaih păng.

Ndrom Samƀŭt bơh Agê 1:4

“Aƀaơ di lĕ jêng nôk khân may gŭ tâm trôm ngih ndop klơ ma kađar, dôl ngih aơ hôm e rlâm rai?

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Ndrom Samƀŭt bơh Agê 1:7

Brah Yêhôva ma phung tahan lah: ‘Mêt uănh hom trong khân may ŭch ƀư.

Luka 15:17

Nôk nây păng mhe kah gĭt, mĭn êng: ‘Geh âk bunuyh pah kan ma mbơ̆ gâp, geh piăng let sa âk rmeh, ƀiălah ta aơ gâp khĭt ji ngot.

II Kôrintô 13:5

Rlong uănh ôp sek hom khân may nơm gay uănh gĭt khân may hôm gŭ tâm nau chroh mâu lah mâu! Rlong uănh hom khân may nơm. Khân may mâu gĭt hĕ ma Brah Yêsu Krist gŭ tâm khân may? Klach lah khân may mâu tât keh tâm nal.

Galati 6:4

Ăp nơm sek uănh hom ma kan păng nơm, jêh mra saơ nau gay rnê êng mâu jêng nsing păng nơm, mâu di tâm rđĭl đah bu êng ôh.