Nau Ntơm 26:3 - Nau Brah Ndu Ngơi 2023

³ Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Bunong Bible Latin Script Cambodian dialect

³ Ăn may gŭ ta bri i mâu ôh di bri may nơm dja hŏ, Gâp mra gŭ ndrel ma may, Gâp mra ăn geh jêng ma may, Gâp mra ăn dâng lĕ bri dja ma may n'ho ma tât kon tât sau may, Gâp mra jan ngăn kơt nau Gâp lĕ ton ma Abrahăm bơ̆ may nơh.

Bunong

³ អ៝ន់​មៃ​គុ​តា​ឞ្រី​អី​មោ​អោស​ទី​ឞ្រី​មៃ​នើម​អ្យា​ហ៝ៈ គ៝ប់​មរា​គុ​នទ្រែល​មា​មៃ គ៝ប់​មរា​អ៝ន់​គែស​ជេង​មា​មៃ គ៝ប់​មរា​អ៝ន់​ទឹង​លែៈ​ឞ្រី​អ្យា​មា​មៃ​នហ៝​មា​ត៝ត់​ក៝ន​ត៝ត់​ឆៅ​មៃ គ៝ប់​មរា​ជាន​ងាន់​កើត​នាវ​គ៝ប់​លែៈ​ត៝ន​មា​អាឞ្រាហាម់  ​ឞឹ​មៃ​នើស។

Nau Ntơm 26:3 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 13:17

Kay lŏng, ăn may hăn lam ndah jong, ndah huy n'gor aơ, yorlah Gâp mra ăn n'gor aơ ma may.”

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 17:19

Brah Ndu lah: “Mâu geh kơt nây ôh, H'Sara, ur may mra deh du huê kon bu klâu, jêh ri may mra ntơ amoh păng jêng Y-Isăk. Gâp mra njêng nau tâm rnglăp đah păng, jêng nau tâm rnglăp n'ho ro đah phung kon sau păng.

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 20:1

Tă bơh nây, Y-Abraham hăn trŭnh n'gor Nêgep, păng gŭ vah vang Kadês jêh ri Sur. Dôl păng gŭ njưh ta Gêrar,

Nau Ntơm 25:11

Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.

Nau Ntơm 26:12

Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng.

Nau Ntơm 26:14

Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 31:3

Brah Yêhôva lah ma Y-Yakôb: “Sĭt hom ta n'gor phung che may jêh ri ma phung mpôl băl may. Gâp mra gŭ ndrel ma may.”

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

Nau Ntơm 48:21

Y-Israel lah tay ma Y-Yôsep: “Aơ, gâp dăch khĭt, ƀiălah Brah Ndu mra kâp kơl jêh ri njŭn leo đŏng khân may sĭt ta n'gor phung che khân may.

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

I Nau Rêh Jêng 16:16

Jêng nau Păng tâm rnglăp hŏ ƀư jêh đah Y-Abraham, Hŏ sơm ton ma Y-Isăk,

Nau Mprơ Ơm 105:8

Păng kah gĭt ƀaƀơ ma nau Păng tâm rnglăp, Nau Păng ton prăp rbăn rnôk mâu dơi chuêl ôh;

Nau Mprơ Ơm 105:9

Jêng nau tâm rnglăp Păng ƀư jêh đah Y-Abraham, Ton jêh đah Y-Isăk,

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Ngluh Êjipt 2:24

Brah Ndu tăng nau khân păng lung nter jêh ri kah gĭt tay nau tâm rnglăp hŏ ƀư đah Y-Abraham, Y-Isăk, jêh ri Y-Yakôb.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Nau Vay Nkah Tay 1:8

Aơ, Gâp ăn jêh n'gor aơ ma khân may! Lăp jêh ri pit sŏk hom n'gor Brah Yêhôva hŏ ton jêh ăn ma chô yau khân may jêng Y-Abraham, Y-Isăk, Y-Yakôb jêh ri ma phung kon sau khân păng.’

Nau Vay Nkah Tay 34:4

Brah Yêhôva lah ma păng: “Aơ yơh jêng n'gor Gâp hŏ ton ăn ma Y-Abraham, ma Y-Isăk jêh ri ma Y-Yakôb nôk Gâp lah: ‘Gâp mra ăn n'gor aơ ma noi deh may.’ Gâp ăn may uănh saơ ma măt n'gor aơ ƀiălah may mâu mra dơi lăp ôh ta n'gor nây.”

Philip 4:9

Moh nau khân may nti jêh, dơn jêh, tăng jêh jêh ri saơ jêh tâm gâp, ƀư hom, ri mơ nau đăp mpăn Brah Ndu mra gŭ ndrel ma khân may.

ហេឞ្រើ 11:9

Yor ma nau chroh, păng gŭ tâm neh ton tâm ban ma ta klơ neh phung bu năch, gŭ tâm lĕ vâl bok ndrel ma Y-Isăk jêh ri Y-Yakôp, jêng phung dơn ndrel nau ton tâm ban ma păng.

ហេឞ្រើ 6:17

Pônây lĕ, Brah Ndu ŭch tâm mpơl rah vah lơn ma phung bunuyh dơn nau ton dơi gĭt nau ŭch mâu geh rgâl ôh bơh Păng, pôri Păng ƀư nâp ma nau ton;