Nau Mprơ Ơm 99:3 - Nau Brah Ndu Ngơi 2023

³ Ăn khân păng mprơ tâm rnê ma amoh dŭt toyh jêh ri khư ma nau klach May. May jêng kloh ueh!

Nau Mprơ Ơm 99:3 Iomraidhean Croise

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nêhêmi 4:14

Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 100:4

Tâm rnê lah ueh hom jêh ri lăp tâm mpông pêr Păng, Mprơ tâm rnê hom jêh ri lăp tâm nkual ngih Păng. Tâm rnê lah ueh ma Păng, mât ton tâm amoh Păng.

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Mprơ Ơm 111:9

Păng hŏ rklaih jêh phung ƀon lan Păng, Jêh ri ntăm gay ndâk nau tâm rnglăp gŭ n'ho ro. Amoh Păng kloh ueh jêh ri khư klach.

Nau Mprơ Ơm 145:17

Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Mprơ Ơm 76:1

Tâm n'gor Yuđa bu gĭt Brah Ndu, Amoh Păng dŭt toyh ngăn tâm nklang phung Israel.

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Nau Vay Nkah Tay 28:58

Tơlah khân may mâu njrăng djôt prăp lĕ nau vay dơi nchih jêh tâm ndrom samƀŭt aơ, mâu yơk ôh ma amoh chrêk rmah jêh ri dŭt klach aơ jêng YÊHÔVA BRAH NDU KHÂN MAY,

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Yôsuê 24:19

Y-Yôsuê lah ma phung ƀon lan: “Khân may mâu dơi tŏng nau dăng pah kan ma Brah Yêhôva, yor lan Păng jêng Brah Ndu kloh ueh, Brah Ndu gĭt ntôn, Păng mâu yô̆ an ôh ma nau kue jêh ri nau tih khân may.

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.