Nau Mprơ Ơm 127:2 - Nau Brah Ndu Ngơi 2023

² Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 127:2 Iomraidhean Croise

Ndrom Samƀŭt bơh Yôp 11:18

May mra rnơm ngăn yorlah geh nau kâp gân; Geh nau king n'gang jêh ri gŭ rlu ueh mpăn.

Nau Mprơ Ơm 3:5

Gâp lâng săk jêh ri hăk bê̆ch; Gâp kah rngăl, yorlah Brah Yêhôva chông n'hao gâp.

Nau Mprơ Ơm 4:8

Ơ Brah Yêhôva, gâp mra lâng săk jêh ri gŭ bê̆ch ma nau đăp mpăn; Yorlah knŏng du huê May mât rong gâp dơi gŭ rêh ueh mpăn.

Nau Mprơ Ơm 60:5

Gay ma nơm May rŏng dơi geh nau tâm rklaih. Dăn May mplơ̆ lah nau hên dăn jêh ri sŏk ti ma May tâm rklaih hên.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 5:12

Nơm pah kan hŏt r'ah bê̆ch hôm ueh ngăn, Nđâp tơlah sa âk mâu lah jê̆. Ƀiălah âk prăk âk drăp ndơ Ƀư bunuyh ndrŏng bê̆ch mâu dơi hăk.

Nơm Nti 6:7

Lĕ rngôch nau hŏt rgănh kon bunuyh jêng yor mbung păng nơm, ƀiălah nuih n'hâm kơnh ji hir mâu mra dơi mpay ôh.

Yêrêmi 31:26

Nôk nây, gâp kah rngăl jêh ri uănh jŭm, nau gâp bê̆ch đăp mpăn ngăn.

Êsêkiêl 34:25

Rnôk nây, Gâp mra njêng du nau tâm rnglăp đăp mpăn đah phung biăp Gâp. Gâp mra mprơh lơi đơ mpô mpa bri janh tâm n'gor gay ăn phung ƀon lan Gâp dơi gŭ mpăn tâm bri rdah jêh ri gŭ bê̆ch tâm krŏng.