Nau Mprơ Ơm 101:3 - Nau Brah Ndu Ngơi 2023

³ Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Mprơ Ơm 101:3 Iomraidhean Croise

Ndrom Samƀŭt bơh Yôp 31:1

“Gâp hŏ jêng nau tâm rnglăp jêh đah măt gâp; Mâm ƀư gâp hôm dơi janh uănh ma du huê bu ur druh?

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Nau Mprơ Ơm 119:37

Lơi ăn măt gâp rle mpeh lĕ nau dơm dam; Ƀiălah ăn gâp gŭ rêh tâm trong May.

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 139:22

Gâp tâm rmot hâu ngăn ma khân păng, Kơp khân păng jêng phung rlăng đah gâp.

Nau Mprơ Ơm 14:3

Lĕ rngôch vĭ nhhơt da dê; jêng ndrel tâm nau rai yot; Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Mprơ Ơm 40:4

Ueh maak yơh ma phung geh nuih n'hâm rnơm nsing ma Brah Yêhôva, Mâu rle nuih n'hâm ma phung sưr Mâu lah hăn tĭng ma phung mƀruh!

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Nau Mprơ Ơm 97:10

Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Ngluh Êjipt 32:8

Khân păng hŏ chalơi ndal trong Gâp hŏ ntĭm nti jêh, tŏ njêng jêh ma khân păng nơm du mlâm rup ndrôk kon, yơk mbah ma rup nây, nhhơr ndơ ƀư brah ma păng jêh ri lah: ‘Ơ phung Israel! Aơ jêng brah hŏ ngluh jêh khân may luh bơh n'gor Êjipt!’”

Nau Hôr 6:12

Bunuyh dơm dam, bunuyh mhĭk ƀai; Jêng bunuyh gŭ sa dơm mâu pah kan, mbung ngơi mƀruh ndơm,

Nau Hôr 6:13

Păng ntơ̆ măt, nkêh jâng, Jêh ri sŏk nglau ti gay vơch tâm nal;

Nau Hôr 6:25

Nuih n'hâm may lơi ta kơnh nau ueh păng, Lơi ăn ôh rsâng măt păng ndơm may.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Nơm Nti 6:9

Nau măt saơ ueh lơn jêng nau ŭch mâu nanê̆. Nau nây ăt jêng dơm dam, tĭng rlong sail khôm.

Êsai 30:11

Du hom tă bơh trong, chalơi ndô̆, Lơi dĭng nkoch Nơm Kloh Ueh Israel tanăp măt hên!”

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

ហេឞ្រើ 10:39

Ƀiălah he mâu di jêng phung plơ̆ rŭch hăn tâm nau roh rai ôh, ƀiălah jêng phung bunuyh djôt prăp nau chroh gay ma huêng geh nau tâm rklaih.

Yôsuê 23:6

Pônây, ăn khân may nâp nuih n'hâm mât mray jêh ri ƀư tĭng kơt lĕ ntil nau hŏ nchih jêh tâm ndrom samƀŭt nau vay Y-Môis, lơi teng pa ma mâu lah pa chiau ôh.

II Pêtrôs 2:21

Ueh lơn khân păng mâu gĭt trong nau sŏng srăng ueh lơn lĕ gĭt ƀiălah rle ndŭr kơi đah nau vay kloh ueh bu ntĭm nti jêh ma khân păng.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.