Nahum 3:5 - Nau Brah Ndu Ngơi 2023

⁵ Brah Yêhôva ma phung tahan lah: “Aơ, Gâp tâm rdâng đah ay; Gâp mra rhơl nah bŭt ay nkŭm tât muh măt ay, Mpơl nau rhôk may ăn ma lĕ mpôl băl bunuyh Jêh ri ma lĕ ƀon bri hađăch saơ nau bêk prêng ay.

Nahum 3:5 Iomraidhean Croise

Yêrêmi 13:22

Tơlah may ôp êng tâm nuih n'hâm: “Mâm ƀư lĕ nau kan aơ tât ăn ma gâp?” Nây jêng yor nau tih mhĭk may toyh ngăn Bu plơk nah bŭt may Săk jăn may geh dong bŭr.

Yêrêmi 13:26

Gâp mra plơk đŏng nah bŭt may tât ta măt, Gay mpơl nau bêk prêng may.

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Êsêkiêl 16:37

yor nây, aơ, Gâp mra rgum lĕ rngôch phung tĭr ay, đah phung nây ay geh nau maak, lĕ rngôch phung ay rŏng tâm ban ma lĕ rngôch phung ay tâm rmot. Gâp mra rgum khân păng tă bơh ăp ntŭk gay ma tâm rdâng đah ay, jêh ri Gâp mra mpơl nau ay rhôk ma khân păng ăn lĕ rngôch khân păng saơ.

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 23:25

Gâp mra hao ntôn tâm rdâng đah ay jêh ri khân păng mra phat dôih ay tâm nau ji nuih ngăn. Khân păng mra koh trôm muh jêh ri ti ay; bi phung hôm e klen tâm ay mra cha lôt yor ma đao. Khân păng mra nhŭp kon bu ur kon bu klâu ay; phung ay hôm e klen tâm ay ŭnh mra sa rvăn.

Êsêkiêl 23:29

Khân păng mra ƀư ma ay ma nau tâm rmot jêh ri sŏk pit play n'hâm suan ay pah kan. Khân păng mra ăn ay gŭ rhôk, săk hưl jêh ri nau ka n'hong, nau ay văng tĭr bu mra mpơl lĕ.

Êsêkiêl 26:3

Yor nây, Kôranh Brah Yêhôva lah: ‘Hơi ƀon Tyre! Aơ, Gâp mra tâm rdâng đah may. Gâp mra leo âk bri dak dâk tâm lơh đah may nâm bu dak mƀŭt geh âk rbuh ktang.

Mika 1:11

Hơi phung gŭ tâm ƀon Saphir, Gŭ rhôk hom dơn nau bêk prêng dĭng hăn rgăn! Phung gŭ tâm ƀon Saanan Mâu chuat du luh ôh. Phung ƀon Bet-Êsel nter nhĭm, Ƀư ma khân may roh ntŭk mbin nsing.

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.